2008-08-27
أسئلة الضيوف 2
السلام عليكم ورحمة الله وبركاته
وكل عام وأنتم بخير جميعا
نظرا لان البوست بتاع " اسئلة الضيوف " كبر جدا وزاد عن الـ 110 تعليق ف عين العدو , وأكيد هايكون سبب فى تهنيج أنترنتكسبلوراتكم أو فايرفوكساتكم او أوبراتكم أو أياَ كانت متصفحاتكم إكـُم إكـُم , عشان كده البوست ده كجزء تانى , هنكمل فيه الاسئلة , التعليقات اتقفلت هناك ومفتوحة هنا طبعا ( بنفس الشروط المتفق عليها فى الموضوع الاول واهمها ان الاسئلة تكون غير متعلقة باى درس مشروح هنا , اما لو بخصوص موضوع معين فياريت تحط سؤالك فى نفس الموضوع ) .
بالمناسبة : نظرا برضو لان نظام التعليق الجديد " من أسفل البوست " لا توجد به خدمة تتبع التعليقات , فلو عايز تتبع التعليقات هاتستخدم نظام التعليق القديم بأنك تضغط على كلمة " اضف تعليقك " او " post comment " اللى موجودة تحت كل بوست مباشرة , وهاتنقلك للصفحة الكلاسيكية بتاعة التعليقات . لذا وجب التنبيه والتنويه .
وأمنياتى للجميع بدوام الصحة والإسكان D:
اشكال بديلة اخرى من هـنـا
152 اضف تعليق , التعليقات:
د وائل ازاى ممكن من صفحتى اتصفح صفحات تانيه
زى قسم مدونات اجنيبه الى عندك هنا؟؟
د. وائل..
تحية طيبة وبعد..
يطيب لي أن أشكرك من الأعماق.. فماوصلت إليه مدونتي هو بفضل الله ثم بفضل دروسك ..
ويمكنك أن تقيم عمل طلابك هنا:
http://www.baaqi.com
أخي الفاضل:
فكرة البوستات الممتدة رائعة..
لكن الأروع منها أن بفتح الموضوع بشكل مستقل عندما يضغط الزائر على (اقرأ المزيد)وفائدة هذا أن أستطيع التعرف على قراء البوستات وتقييمها لأنه إذا تمكن ان يقرأ كامل البوست دون أن يدخل له فلن تتمكن عدادات القراءة من تقييم البوستات حسب عدد القراء.
أرجو أن أكون صغت السؤال بشكل واضح! والمطلوب أن كلمة (اقرا المزيد) اذا ضغط عليها تفتح له الموضوع على رابطه المستقل.
اعذرني على الاطالة والتكرار تراني مدرس..
السلام عليكم لو سمحت دكتر وائل كيف اسوي خريطه لـ موقعي مثال
اذا كتبت في قول اسم موقع
يجي تحته اقسام كيف ارجو الشرح
د . بطوط
كل اللى اقدر اقولهولك بخصوص الموضوع ده هو ان التصفح بيتم عن طريق استجلاب الـ feed بتاع المدونات الاخرى , اما الميكانيزم فعن طريق اكواد الجافا سكريبت .
بصراحة انا خدت الموضوع ده من مدونة اجنبيه من فترة , لكن بعدها الهارد بتاعى باظ وضاع اللينك وضاعت كل مصادرى اللى كنت بجيب منها الجديد , فمن ساعتها زعلت وبقيت اكثر كسلا فى البحث عن جديد البلوجر . فلو تقدر ابحث عنها ف جوجل لانى بجد خبرتى قليلة فى الجافا سكريبت .
* * * * *
أبو شهد
تحية طيبه لك
نعم فهمت السؤال
لكن بذلك انت تخرج من اطار " الاظهار والاخفاء " لان ببساطة لن يكون هناك ( اخفاء ) فقط سيكون هناك ( اقرا المزيد ) اليس كذلك .
على اى حال لو كنت تقصد علامات التقيم مثل التى بمدونتى فلا يوجد اى تعارض بينها وبين طريقة ( اقرا المزيد + اخفاء ) , توجد تقييمات اخرى تقوم على عدد التعليقات .
اما التقييم الذى تتحدث عنه ويقوم على عدد الزيارات , صح ؟ لم اسمع عنه من قبل بصراحة
فقط أكد لى وجود مثل هذا التقييم لكى يكون حافزا لى ان ابحث لك عن ما تريده
دمت بكل خير
* * * * *
الشرس
لا اعلم بصراحة
لو وجدت طريقة اخبرنى
عندي استفسار يا اخ وائل بس يا ريت ترد عليا انا حاسس انك بدأت تنفض
بهزر اوعي تزعل
انا عندي مشكله صغيره انا كل اما اجي اضيف اي قطعه في محرر ال html او حتي ضيفت قطعه وما حفظتهاش في حاجه غريبه بتحصل بلاقي العمود الجانبي بقي في اليمين بدل الشمال واوقات بلاقيه في الشمال برده بس من تحت
لكن كان بيرجع لوحده اما المره دي مارجعش خالص وتقدر تشوف المدونه وتعرف انا قصدي ايه
http://dr-virus.blogspot.com
في طلب صغير منك ولو انت قدمتهولي يبقي انت راجل كفاءه لاني لقيت كل الطرق صعبه ولقيتك انت عاملها هنا قولت يبقي اكيد سهله
الطلب انا عاوز كود اضيف في موقعي بحيث اللي يكتب ايميله فيه يصله اخر المواصيع اللي بكتبها في المدونه زي اللي انت حاططها هنا كده
لو مش عاوز بلاش بس انا بطلبها منك بعد اذنك لاني بقالي كتير بدور عليها ولقيتها لكنها كانت خاص بمنتديات ومواقع php
شكرااا
اخ وائل
انا محتاج تطبيق ثيم ال
Wordpress
على مدونتي بدون ما اغير اي شي بال
Widgets
واذا تحب اعمل لك دعوة لتكون كاتب في مدونتي وتعمل اللازم وشكراا
dr virus
لو عايز تعمل الموضوع ده من على الفييدبليتز ادخل هــــنــــأ
سجل البيانات المطلوبة , اعتقد انها سهله ان شاء الله
* * * * *
عاشق العراق :
مرة اخيرة , لو سمحت بلاش تجاوب عن الاسئلة الموجودة هنا لانى هاحذفها فورا , مع احترامى لنيتك الحسنة
ثانيا : ثيم الوردبريس مينفعش يتركب عالبلوجر .
اسف اخي انا بس حبيت اساعدك
اعذرني
أستاذنا الغالي
حبيت أسأل عن كيفية وضع التعليقات بالصورة الموجودة عندك
شكرا لك
شكرا د.وائل على الإجابة..
والصراحة ماعندي فكرة عن طريقة تقييم المقالات حسب عدد القراء.. وانت سيد المعلمين..
عفوا..
أبدخل عرض في سؤالdr virus
لأنه فعلا بعض قراء مدونتي لا ولن يتعاملون مع الفيدز..
لكنهم يتعاملون مع البريد الالكتروني
..
بمعنى ماعنده مانع يضيف بريده الالكتروني ليصله جديد مدونتي..
ممكن تعطينا توضيح أكثر عن الفيد بليتز ..
فكرتها وطريقة التسجيل فيها
لأني دخلتها وما فهمت شيء..
انا مش عارفه أحط الfollowers
و لما حطيتهم كوبي بيست من الhtml
المدونه قلبت بقي السايد بار علي اليمين مش علي الشمال انا مش مشكله بس عاوزه أعرف ليه |؟؟؟
ياسمين
معلش أول زياره أسءله كده
و ده ايميلي
fcisjasmine@hotmail
و بلاش تريقه بقي انا اه حاسبات بس لسه ف البدايه
تحياتي و جزاك الله خيرا
السلام عليكم
اخ وائل لو انا عاوز اعمل قائمة مصنفه يعني متقسمه
برامج العاب اغاني اسلاميات صور
كد يعني واللي يضغط علي كلمه منهم يلاقي كل المواضيع المتعلقه بالقسم ده لاني قائمة التسميات بينكتب فيها مواضيع كتيره وبالتالي بطول الصفحه اما بالنسبه لعمل المسطره فأنا ماعرفتش اعملها فهل في حل بالنسبه للموضوع التصنيفات دي
ابو ثابت :
لو قصدك التعليقات من اسف البوست , فهو من هــــنـــأ
* * * * *
ابو شهد
هاتدخل اللينـــك
هاتكتب ايميلك ف اول خانة
والرمز الموجود بالصورة ف الخانة الثانية
وبعدين تضغط على الزرار الموجود
سهلة
* * * * *
عاقلة على ارض الجنون
اصلا اداة " الفولورز " لسه لم تدعم بالكامل من البلوجر
فأيا كانت الطريقة اللى وضعتيهم بيها حاولى تشيليهم لو كنتى حفظتى القالب
ويمكن انك تستخدمى طريقة الاشتراك , زى ما موجود فى ردى على السؤال اللى فوقيكى علطول .
ومفيش تريأة طبعا , كلنا هذا الرجل :)
* * * * *
dr.virus
التصنيفات كالاتى
اولا هاتضيف اداه من نوع " تصنيفات " او label
ثانيا : تروح للبوستات تعملها " تحرير " هاتلاقى خانة جديده خاصة بالتصنيف جنب خانة التاريخ , اكتب فيها التصنيفات المناسبة لكل بوست واحفظ
بس
السلام عليكم ورمضان كريم
ممكن فقط أستفسر
كيف أضع كود أبتسامات وسمايلات للمدونة
بحثت كثير وأكثر الشروحات تتعلق بالووردبرسس وبحثت بمددونتك الرائعة التي أستفدت منها كثيراً ولم أجد
فضلاَ لا أمرا أتمنى إنك تضع شرح لها
وشكرا على المدونة الرائعة
أروى
وعليكم السلام ورحمة الله
ورمضان كريم
الابنتسامات ليها موضوع بالفعل هنا
ايمشوشنز للبلوجرز
اعتقد هو ده اللى تقصديه
السلام عليكم
كام سؤال كده هتعبك معايا
انا عندي الصيد بار
"side bar"
بيظهر علي الشمال
انا عايزه يروح يمين؟
ينفع؟ لأني لقيت واحد حاطيت نفس التيمبليت و عامل كده ولا علشان عربي فانا ملزم بيه كده؟
تاني سؤال
هل في اي طريقة اقدر اخلي الناس تحط بيها بوستات يعني يقدروا يكتبولي؟
غير طريقة الكومينت اللي تحت كل بوست دي
ثالث سؤال
انا عايز احط صورة للبلوج فوق كده عند العنوان بتاع البلوج و للأسف انا حاطيت تمبليت و بالتالي الصورة بتتحط فوق التمبليت بطريقة عشوائية وا بتتطرف شمال مش بتنزل في نص الصفحة يعني فاستأذنك لو تعرف طريقة تقولهالي
شكرا
استاذ وائل
انا عاو أحط صورة بحيث انها تكون بين كل بوست و اللى بعده
بص على الصورة دى كدة
http://mnaffad.googlepages.com/untitled.JPG
و شكراً مقدماً
Bulletproof Guy :
وعليكم السلام ورحمة الله
حكاية السايد بار دور فى الاكواد الخاصة بالسايد بار على كود اسمه
float:left;
وغير القيم طبعا وجرب
اما السؤال التانى فانا معرفش بصراحة اى طريقة تانى . او بصراحة مش شايف لازمة لاى طريقة تانى .
صورة التمبليت هاتلاقيها ف موضوع خلفية لرأس المدونة
جرب طريقة الاكواد , وابحث ف جوجل عن الاكواد الخاصة بالصورة
* * * * *
مهيج الجماهير :
اللى ممكن تعمله انك تحط صورة تحت البوست
عن طريق انك تروح لصفحة العناصر , وتنشأ اداه جديده فى منطقة البوست وتختار اداة صورة وتضيف صورتك , وبعدين تسحب الاداة بالماوس وتنزلها اسفل البوست
بالطريقة دى الصورة هاتتحط اوتوماتيك اسفل البوستات كلها - لو كان عندك اكتر من بوست فى الصفحة - انما انك تحط الصورة بين كل بوست والتانى اوتوماتيك مينفعش
مفيش غير حل واحد انك تحطها يدويا اثناء تحرير البوست بانك تنتقل الى وضع الاتش تى ام ال وتضيف كود ادراج الصورة .
اوكيشن
جميل يا باشا
بس انا لو حطيتها فى الاتش تي ام ال
هتظهر بعد البوست على طول
انما انا عاوزها تبقى بعد التعليقات
و شوفتها فى مدونة
و حاولت أستخرج الكود من السورس بتاع الصفحة و فشلت
المهم
بص على الصورة دة كدة
و بعدين قولى رأيك
http://mnaffad.googlepages.com/ga3an.JPG
و المدونة اللى فيها الحكاية دى أهى
http://anaga3an.blogspot.com/
و لو دورت فى السورس على اسم الصورة اللى معمولة فاصل
هتلاقيها كدة
http://smart-gym.com/ga3an/blog/space.jpg
لو فاضى .. ابقى دعبس شوية فى البلوج ده
و ان شاء الله هتوصل
لكن انا عن نفسى
فشــــــــــــلـــت
مهيج الجماهير
اوكى هاقولك على طريقة تانية
روح صندوق الاكواد
ودوس على Expand Widget Templates
وابحث عن السطر ده
< div class='post-footer' >
وانسخ كود ادراج الصورة فوقيه علطول
وشوف النتيجة
طبعاً الف شكر ليك يا باشا
و الطريقة نفعت فى انها تخلى الصورة تظهر
فوق كل بوست
بس معلش و استمل غلاستى شوية
انا عاوزها تحت كل بوست
مش
فوق كل بوست
معلش استحملنى شوية يا باشا
تحياتى
وجدتها
وجدتها
بعد البحث و التحليل
حطيت الصورة بالشكل ده
http://mnaffad.googlepages.com/untitled.JPG
أخدت بالك من مكان الصورة ؟؟
طبعاً من غيرك عمرى ما كنت هعملها
لأنك انت اللى اديتنى الفكرة
متشكر قوى على تعبك معايا يا باشا
و بجد بجد
من غيرك مكنتش هعرف أجيبها
سلام
السلام عليكم
انا كنت سألتك حضرتك عن تغيير السيد بار من الشمال لليمين
و حضرتك فولتلي ادور علي
float:left;
انا ملقتهاش
بس لقيت الحتة بتاعت السيد بار
#sidebar {
float: $endSide;
width: 259px;
padding-top: 20px;
padding-$endSide: 0px;
فانا اول حاجة حاولت اكبر حجمه
فبعد مكبرت و رجعته للحجم الطبيعي
لقيت السيدبار اتنقل يمين لوحده!!من غير معمل حاجة
بس لقيت مشكلة ان الكلام بيطرف يمين سواء في السيد بار او في الردود و حاولت اغير كل حاجة في السيدبار بس ملقتش الحل
و هنا صورة اهي
http://img502.imageshack.us/img502/701/sidebarproblemlk1.jpg
ايه الحل؟
شكرا
وائل
مشكلة فى البلوج عندى
اى حد يحطنى فى قائمة المدونات المفضلة جوة مدونته مبيقدرش يدخل من عنده لمدونتى اللينك اللى
عنده بيبئى مش لينك مدونتى
لنك مدونتى
www.midog2006.blogspot.com
اللينك المشكلة
www.midog2006.blogspot.com/feed/posts/default
حتى اللينك ده باظ!
مش عارف بيجى منين ده
مستنى ردك
تحياتى
شكرا ليك انا حليت مشكلة التطريف ده بأني غيرت التمبليت
و علي فكرة
انا كل اما اغير في
html
اتجاه السيد بار يتغيير من اليمين للشمال او العكس
فانا غيرت و سيبته علي اليمين زي مكنت عايز
شكرا ليك علي متابعتك المستمرة معانا
:)
سلام عليكم
حاسه انك جالك صداع من كتر الكلام على فكره
طيب ممكن تاخد حباية بنادول وتيجى
انا عايزه اعمل فى الجنب البوكس الى بيظهر فيه اسم المدونات الى انا باتابعها ومعاها الموضعات الحديثه فيها
زي مثلا الى فى المدونه دي كده
http://egypos.blogspot.com/
انا حد قالي مره انه اسمه ريدر وعملت حساب ريدر فى جوجال
بس ماليش دعوه انا عايزه زي ده على المدونه بتاعتي
بص خلي بالك انا دخان الطبيخ مأثر على مخي خالص بالراحه عليا
شكرا لك مقدما
أستاذ وائل أنا بتابع الردود وعندي مشكلة كبيرة فيمدونتي اللى عاملها جديد
وهي مشكلة خاصة بالتصنيف
أنا قريت ازاي اعمل تصنيف وعملتوا فعلا لكن عندي مشكلة تانية اكبر وهي ان مدونتي مخصص الجزء الأكبر فيها لأشعاري واعمالى الدبية اللى قمت بنشرها وانتا عارف ان القصائد ليها تنسيق خاص خصوصا في تصنيفها لني بكتب الشعر بكافة صوره
فعملت التصنيفات كالآتي
بص
معلش علشان مش اكتب كتير هنا واوجع دماغك مشكلتي هنا اهي وهنتظر ردك
http://www.absba.org/showthread.php?p=6500914#post6500914
وده عنوان مدونتي
http://mohamed-salama.blogspot.com/
والصورة دي للتوضيح اكتر
http://www4.0zz0.com/thumbs/2008/09/26/00/796416505.png
ومعلش ارجوك ابقى ابعتلي رابط الرد بتاعك او ارسلوا في رسالة على بريدي
لأني بتوه هنا مش عارف ليه مع ان مدونتك جميلة جدا وخصوصا السايد بار بتاعها
mohamed.ismail.salama@gmail.com
متأسف رابط الصورة الأخيرة اهو
http://www4.0zz0.com/2008/09/26/00/796416505.png
اخوي كيف اضيف كود؟؟
مثل كود وضع الفلاش؟؟
وفين مكانه؟؟
ارجوا الرد.........
اخوي ترى ما اعرف وشو صندوق الاكواد..
مهيج الجماهير
برافو عليك انت كده مية مية
* * * * *
Bulletproof Guy
ببساطة غير
float: $endSide;
خليها
float: left;
او
float: right;
اوكى !
* * * * *
mido g
لو كنت تقصد جوجل ريدر او الـ blogroll
روح للاعدادات بتاعة مدونتك , وادخل على خيارات التغذية feed واتاكد انها على الوضع الكامل full واحفظ الاعدادات
اما لو كانت على الوضع الكامل ولسة مابتظهرش فيبقا لازم تشترك فى موقع تغذية زى feedburner وتاخد لينك التغذية دع تحطة فى البلوج عشان الوضع يتظبط , دى الاجابة باختصار عشان الموضوع كيبر شوية
* * * * *
صبرني يارب
وعليكم السلام ورحمة الله
اه الحكاية دى عن طريق اداه من صفحة الادوات اسمها مش فاكر ايه , ثوانى اشوفها كده
اسمها بالانجليش Blog List (New!)
او مايقابلها باللغة العربية لو كانت مدونتك عربى
هاتدخلى صفحة التخطيط وتضيفى اداة جديده فى السايد بار , وتختارى نوع الاداة اللى قولنا عليه , هاتطلعلك صفحة تضيفى فيها لينكات المدونات اللى تعجبك , اوكيشن بالراحة اهو
* * * * *
محمد اسماعيل سلامة
بصراحة لم افهم ما المشكلة
ببساطة , كل بوست له تصنيفه
ادخل كل تدوينة على حده واكتب فيها التصنيف اللى انت عايزه , ايه المشكلة ؟
اكتبلى السؤال بالتوضيح من فضلك
حبيبي وائل أنا طبقت خطوات موضوع ((تمييز تعليقك عن تعليق الزائرين !!))
لا يوجد نتائــــــج
أتمنى الجواب بالصوررررر لأتمكن من تحديد الخطأ عندي و بشكل سريع
شكرااااا :)
سبايـــدر مـــان
مرحبا اخ وائل
لو سمحت احتاج مساعدة ضرورية كيف اضع في مدونتي ال recent post وشكرا كتير
سلام عليكم..
اخوي وائل ارجوك رد....
كيف اضيف اكواد؟؟
وفين مكانها؟؟
مثال رابط وضع الفلاش-ولك خالص الشكر
ماشاء الله عليك وائل مدونة رائعة ومعلوماتك قيمة
جزاك الله كل خير
تقبل صداقتي
أنا عندي سؤال بليز
كيف أشهر مدونتي على جوجل
والله اعجزت معاهم وعملت كل حاجة بيطلبوها ومانفع
اذا بإمكانك تساعدني بكون شاكرة كتير الك
مدونة التميز و الابداع
http://www.jordaniansnet.blogspot.com/
تحياتي الك وائل
مرحبا وائل
كيف أستطيع وضع قائمه في مدونتي مثل ألي عندك بأسم recent posts عاليمين شرط تكون بلغه جافا
أرجوووووو الرد بسرعه
:)
$PIDER-M@N
انا من
كود الفلاش
هاتعمل اداه من نوع html/javascript
وتحط فيها الكود
* * * *
suzan
اشهار المدونة على جوجل
من هـــنـــا
ومن هــــنـــ
* * * *
spider man
لا اعفينى من السؤال ده لانى مشغول جدا ومصادر الاجابة ليست بحوزتى الان
السلام عليكم ورحمتو الله وبركاتو
ياحبيبى ياوائل بالمدونة الجميلة , ممتاز ياباشا ديما , لكن فى مشكلة عويصة واقفة معايا , وهيا انى لو حطيت اى لينك لاى موقع فى المدونة وجيه حد وضغط مثلا على اللينك يطلع من المدونة ويدخل فى صفحة اللينك اللى ضغط عليه , يعنى انا عاوز لما يجى حد يضغط على اى لينك فى المدونة تتفتح فى صفحة جديدة وميخرجش من المدونة ياريت الاقى عندك حل ياوائل , مع انى لقيت مدونات كتير عاملة اللى قصدى عليه لما حد يضغط على اى لينك تتفتحلو فى صفحة رئيسية , منتظرك ياباشا
شكرا لك على اهتمامك يا وائل هاروح اجرب بقى ربنا يسهل
انا عاوز احط صوت من BOOMP3ولااستطيع
كان عندى مشكلة و كنت عايز اسألك عليها
فى ناس مش عارفة تدخل عندى فى البلوج
كل متدخل تلاقى المدونة كلها ظاهرة ماعدا البوستات
وانا لما ادخل من على الاكسبلورر نفس المشكلة بس على الفايرفوكس مافيش مشكلة
فعايز حضرتك تجرب الموضوع ده وتدخل بالاكسبلورر وتشوف
ولو تقدر تقولى حل المشكلة دى
اكون شاكر لك
المدونة
www.adham2009.blogspot.com
ميدو
melody
وعليكم السلام ورحمة الله وبركاته
لو قصدك اللينكات داخل البوست نفسه
يبقا لازم اكواد اللينكات تبقا بالشكل الاتى
< a href="http://googe.com" target="_blank">google< / a >
لاحظ ان فيه مسافات بين الحروف كتبتها انا عشان كود اللينك يظهر
يعنى السر فى target="_blank"
اوكى
* * * * *
بحب كل الناس
بصراحة معرفش الموقع ده , حاول تجرب الشرح اللى فى المدونة عن الصوتيات المرئيات لو تقدر
* * * *
mido
المشكلة ان فيه اختلافات بين الانترنت اكسبلورر والفايرفوكس ودى حاجه رخمة جدا , ومعظمها متعلق بالمقاسات
انما عندك انت السبب ان فيه فى المدونة حاجات الانترنت اكسبلورر مش قادر يعرضها , بس ماهية الاشياء دى ؟ مش قادر احدد
لازم انت تجرب تحذف بعض الاشياء لغاية ما البوست يظهر
وائل
الاكسبلورر كان بيعرض كل حاجة فى البلوج وبعد مسطبت الفايرفوكس
الاكسبلورر مش بيعرض البوستات
فقط
وبيعرض كل حاجة فى البلوج
كيف يمكنني ان اجعل التعليقات من اليمين إلى اليسار ...انا كتبت تعليقا قبل هذا لكنه لم ينشر أفدني حفظك الله ....
على العموم انا جربت حاجات كتيرة من اجل ان أغير مظهر العليقات لكن لم ينفع فإذا أمكن إنك تعلمني بالتفصيل وبعد تشرحلي على حسب القالب بتاعي وانت بتعرفه .... وشكرا
وإذا أمكن أيضا كيف أغير مظهر التعليقات ...وأيضا ما الفرق بين اللغة العربية في لوحة التحكم واللغة الانجليزية وشكرا
السلام عليكم أكتفي بأن اقول تعلمت منك
الكثير ولن أقول لك شكرا
بل سأكتبها
مدونة ابن حجر
عن طريق الاتى
اذهب الى صندوق الاكواد
وابحث عن الاكواد الخاصة بالتعليقات comments
واضف الكود الاتى اليها
text-align:right;
واقرأ ايضا المواضيع الخاصة بالتعريب
استاذ وائل انا عندى مشكلة غريبة
دة لينك مدونتى
http://yomyattalb.blogspot.com/
المفروض الادوات اللى ضايفها فى السايد بار منظمها بحيث تظهر تحت البروفايل مباشرة
المشكلة انها مترتبة كويس بالنسبة لمتصفح اللانترنت اكسبلورر ولكن تاتى بعد البروفايل بمسافات كبيرة فى متصفح الفاير فوكس
مع العلم بان القالب دة قالب جديد والقديم كان بة عدة بانرات لكن عند عمل القالب الجديد اتشالت البانرات وجت الادوات فى مكانها القديم تحت مكان الصور المحذوفة حالبيا
تحياتى
دة طبعا لما ضفت الادوات تانى وانا عملت حفظ لللاكواد ولما عملت القالب الديد نقلت الاكواد -علشان العدادات وكدة-فى السايد بار تانى
السلام عليكم إزيك يا بيه
سؤالي دلوأت
هوه كيف أجعل خط عنوان التدوينة حجمه أصغر أصغره يعني ... لو سمحت لو يكون الجواب بسرعة ...
مع السلامة
السلااام عليكم
انا الحمد لله قربت اتعمى من كتر ما قريت الاسئله خوفا من ان يكون سؤالى مكرر فاجهدك
ما شاء الله جزاك الله كل خير
مشكلتى فى كتابة التعليقات
بتظهر الصفحه وكل شىء طبيعى لكن عند البدء فى الكتابه مفيش مؤشر ولا كلام بيتكتب
مش عارفه ليه
كنت مفكرة مشكله فى القالب غيرته نفس النظام برده
لدرجة ان القراء قالولى مش بنعرف نكتب حاجه
الحقنى بقى ربنا يخليك
^_^
طالب ثانوى
ايوة بيبقا فيه اختلافات بينالفايرفوكس والاكسبلورر
لكن اغلب المصممين بيعتمدوا على الفايرفوكس لانه فعلا بيعرض التصميم بدقة كبيرة
وعليه , اشتغل اثناء التعديل على الفايرفوكس وماتشتغلش على الانترنت اكسبلورر
عقد لولى
وعليكم السلام ورحمة الله
لاتعليق شغال عندك تمام
المشكلة عندهم هما
اهلا يا وائل
اشكرك على تشريفك ليا
المشكله طلع حلها عندى انا
اسمحلى اقوله يمكن تفيد حد غيرى
بعد كتابة لتدوينه
تحت مربعها فى خيارات الرسائل
نختا منها السماح بالتعليقات
بس هى متظبطه عندى على اظهار المربع وعدم تمكين التعيق
بس
شكرا يا وائل وجزاك الله كل خير
السلام عليكم ورحمة الله وبركاته
اشكرك ع جهودك ماشاء الله تبارك الرحمن ..تغني عن منتدى باعضاؤه ومشرفيه :) الله يحرصك ..
انا مبتدئه جدا وعندي استفسارات :
وهم كيف اعمل قائمة منسدلة وحده تعرض اسما فقط والاخرى تعرض اسما ولو ضغطت على اي اسم ينقلني لموقع معين
ثانيا كيف اغير الصورة مثلا انت حاط رمز مونتك مربعات بدل البي الخاص بالبلوقر ؟؟
ودي اعمل تصنيفات ..فقمت باضافة اداة قائمة الروابط تطلب مني اضع رابط ..فقمت ووضعت رابط لكل موضوع ثم اضيف الاداة مره اخرى واضيف روابط المواضيع الخاصة بها احسها غبية ومش عملية انا ودي اعمل تصنيفات رئيسية تنقلني لصفحة الصفحة بها كل التدوينات الخاصة بها
اتمنى تكون فاهمني
ودا رابط مدونتي علشان تفهم اكثر علي
http://fofo80.blogspot.com/
لاحظ انا ابي التصنيفات :
1- حقيبة المعلمة
2- اضاءات
3- حقنة الابداع
بس ماعرفت وابي لما اضغط على حقنة الابداع ينقلني لمتصفح يحوي كل التدوينات الخاصة بها اتمنى تكون فاهمني
شكرا ع رحابة صدرك وبارك الله فيك
طبـ الوفـا ـعي
وعليكم السلام ورحمة الله وبركاته
السؤال الاول هاتلاقى اجابته فى موضوع القائمة المنسدلة
والثانى اجابته فى موضوع ايكونة للمدونة
هاجاوبلك على السؤال الثالث وهو انشاء تصنيفات
اولا : هاتضيفى اداة التصنيفات "labels" من "اضافة اداه جديدة " وتحفظى
بعدين تعملى تحرير "eidt" لكل البوستات على حده , هاتلاقى خانة انشات مخصصة للتصنيف , اكتبى فيها التصنيف المناسب زى ما تحبى , اوكى
ومعلش على التاخير
طبقت طرقتك الأولى لوضع الصورة في اعلى المدونة وعملت مركز تحميل خاص
بس ناقص أعرف وين ممكن احط رابط الصورة
وهذا الكود اللي حصلت عليه في البحس
#header-wrapper {
background: #476 url("http://www2.blogblog.com/rounders4/corners_cap_top.gif") no-repeat $startSide top;
margin-top:22px;
margin-$endSide:0;
margin-bottom:0;
margin-$startSide:0;
padding-top:8px;
padding-$endSide:0;
padding-bottom:0;
padding-$startSide:0;
color:$titleTextColor;
}
#header {
background:url("http://www1.blogblog.com/rounders4/bg_hdr_bot.jpg") no-repeat $startSide bottom;
padding:0 15px 8px;
}
#header h1 {
margin:0;
padding:10px 30px 5px;
line-height:1.2em;
font: $pageTitleFont;
}
#header a,
#header a:visited {
text-decoration:none;
color: $titleTextColor;
}
#header .description {
margin:0;
padding:5px 30px 10px;
line-height:1.5em;
font: $descriptionFont;
}
والسؤال الثاني لما غيرت الخلفية تغيرت الألوان بقيت تحت المواضيع لون مختلف كيف أغيره
وهذي مدونتي شوفها
راح تفهم قصدي اكتر
http://urcatty.blogspot.com/
د/ وائل السلام عليكم ورحمة الله وبركاته
بعد مارجعت لدروسك قدرت بفضل الله أولا وآخرا ثم شرحك أني أوسع مساحة مدونتي في شكلها الخارجي ومنطقة الكتابة
وعندي سؤال صغير صادفتني مشكلة ازاي ممكن الغي الخط اللي ظهر لي في وسط المدونة
بمعنى كانت منطقة المين المسؤولة عن الكتابة والتدوين محاطه بحد ولما زدت من مساحتها بقى الاطار في وسط الموضوع ازاي ممكن أوسعة أز أزيله
وازي ممكن أضيف الصورة بشكل صحيح لأني عملت التوسيع بناء على مساحتها عوزاها تظهر بشكل صحيح مع العلم اني زدت في عرضها ومش عارفة ازاي ازيد من ارتفاعها
وآخر فقرو محتاجة أعرف ازي ممكن اغير لون منطقة الفوتر
بانتظار اجاباتك بفارغ الصبر واعزرني ازا كنت كترت اسئلتي لكني محتاجة انهيها في اقرب فرصة ممكنة ومش لاقيه احسن منك يساعدني بعد ربنا وتسلم وشكرا جزيلا
أختك
السلام عليكم
ازيك يا د/ وائل
رجعت تاني على أمل تكون فاضي وتجاوبني على أسئلتي
عاوزة اعرف ازاي ممكن اعمل صورة رأس المدونة واسعة متل ماانت عامل في مدونتك
إزا ممكن طبعا
وبأنتظرك بفارغ الصبر تفضى وتجاوبني
وشكرا مقدما
رقة الورد
وعليكم السلام ورحمة الله
بصى
ادخلى صندوق الاكواد
ابحثى عن السطر ده
background:url("http://www.blogblog.com/rounders4/rails_main.gif") repeat-y right;
والسطر ده
background:#ffffff url("http://www1.blogblog.com/rounders4/corners_main_bot.gif") no-repeat right bottom;
والسطر ده
background:url("http://www1.blogblog.com/rounders4/corners_main_top.gif") no-repeat right top;
واحذفيهم كلهم , هايتحذف الخط اللى فى النص
ثانيا ابحثى عن القطعة دى
#main-wrap1 {
width:585px;
خليها 700 بدل 585
* * * *
اما الصورة الرئيسية
جربى تستخدمى صورة يكون عرضها 982 بيكسل على الاقل , وشوفى النتيجة
* * * * *
كده اتنى تقريبا حذفتى معظم جرافيك القالب , وانا شايف انه الافضل تختارى قالب جاهز وتعمليه بدل التعديلات دى كلها
بالنسبة لموضوعك بتاع المواضيع ذات صلة مش عارفة اطبقة فى مدونتى بيقولى رسالة خطأ
الأخ الفاضل دكتور وائل في البداية اسمح لي أن أقدم لك جزيل الشكر على ما تقوم به من جهد رائع في خدمة التدوين
ولي سؤال أرجو الاجابة عليه في أقرب وقت وهو كيفية تعريب القوالب الأجنبية حتى تُظهر الكتابة العربية بشكل صحيح مثل هذا القالب الذي صممة مطر وي بإيطالي مشهور ومدونتة بها الكثير من الفائدة
http://woork.blogspot.com/2008/10/daily-inspired-blogger-template.html
شكرا مقدماً
استاذمحمدحمزة
اضغط على تصنيف "تعريب" هتلاقى المواضيع الخاصة بالتعريب وطرقه
اتمنى تلاقى الحل هناك ان شاء الله
لدي مدونة واريد ان اعمل فيها صفحة زوار لمن يريد ابداء رأيه في صفحة الزوار
صفحة مخصصة لهم ,,, كيف اصنعها لم اعرف نهائيا اتمنى منكم مساعدتي ,,
وايظا اريد وضح صندوق الرد السريع ,,, كيف ؟
السلام عليكم والرحمه
هل لي أن أسألك ::
كيف لي أن أدرج تصنيف( اقسام) في المدونة ؟
بحثت عن أداة إضافة الوقت لتظهر كـ ساعة رقمية حقيقة لم أجدها في أدوات بلوج ماهي طريقة إضافتها ؟
ماهي طريقة نشر المدونة في المدونات الأخرى ؟
هل أستطيع التحكم بحجم الصورة المعروضة في الملف التعريفي؟
وشكراً لكَ وأعتذر لكثرة الأسئلة ؟؟
وقد طرحت هذه السئلة في مدونة اخرى وللأسف لم يجيب علي المدون.. أرجو ان تجيب على أسئلتي ولك مني جزيل الشكر..
يحيى عمر
ليس عندى اى فكرة
ولدى شك فى امكانية تحقيق طلبك فى البلوجر من عدمه
* * * * *
بلسمينة
او ياسمينة , لا اعلم
التصنيفات : ابحثى هاتلاقى من ضمن الادوات اداة اسمها "تصنيفات" ضيفيها, وبالتالى هاتلاقى خانة مخصصة للتصنيف ظهرت اثناء كتابة او تحرير اى بوست
- الساعة : من موقع زى ده مثلا http://www.clocklink.com/
لازم تسجلى الاول وبعدين تختارى الساعة وبعدين تاخدى الكود الخاص بيها وبعدين تضيفى اداة جديده من نوع
html/java script
وتلصقى الكود فيها وتحفظى
- ماهي طريقة نشر المدونة في المدونات الأخرى ؟
:D
اخشى انه مش بمزاجك , بمزاج اصحاب المدونات الاخرى
على اى حال لو مدونتك قيمة ومتفاعلة مع المدونات الاخرى يبقا هاتتنشر
- هل أستطيع التحكم بحجم الصورة المعروضة في الملف التعريفي؟
لأ
عودة من جديد وأعتذر على الإزعاج أستاذنا الفاضل
بداية أنا بلسمينة ^_^
عذراً فـ أنا مبتدئة في عالم البلوج
قلت الأدوات..طيلة الأسبوع الماضي وأنا أعمل (سكان) على المدونة وخصائها..ليس من ضمن الخيارات المتاحة لي أدوات..إلا الأدوات الذكية..فـ أين أجد ما يسمى (الأدوات) فلقد سئمت من كثرة البحث:@
بالنسبة للساعة تقصد أضيف في محرر (html)
كود الساعة
اعتذر للزيارة ..وأعتذر على الأسئلة
وشكراً لك
حفظك ربي
طريق الادوات :
لوحة التحكم > التخطيط
هاتلاقى حاجات اسمها : اضافة اداة
اضغطى علي اى واحدة هايطلعك صفحة فيها ادوات كتيرة بمختلف انواعها اوكى
بالنسبة للساعة هاتضيفى الكود ف اداة جديدة من النوع اللى قلتلك عليه , دى افضل طريقة
السلام عليكم والرحمه
أعتذر بعمق البحار على الإسئلة ..
عندما اتبعت خطواتك لم أجد الأداة
classification
من ضمن الأدوات
.. وشكراً لك اتبعت خطوات اضافة الساعه وتم الأمر بنجاح
اذا لم يكن هنالك ازعاج لك ممكن تذكر خطوات التصنيف بأكثر تفصيل
وتحيتي لك
بلسمينة
مين اللى قال ان فيه اداة اسمها classification
؟
قولتلك اداة اسمها : تصنيف
وترجمتها label
ضيفيها
بعد كده اثناء كتابة او تحرير اى بوست هاتلاقى خانة - جنب خانة التاريخ - مخصصة لكتابة التصنيف
أتوقع بعد قراءتك لهذا التعليق تصدر قرار بمنع الأشئلة من كثرة ما ترددت (بلسمينة)
على هذا المتصفح
..
:$
وحتى الأداة
label
لم اجدها
اتبعت هذا المسار ان كان خطأ فاخبرني
لوحة التحكم->التخطيط->اضاافة اداة->
أدوات -> بحثت عن الاداة التي ذكرتها ولم اجدها
ربما لن تحل مشكلتي حتى تحل قضية الخلاف بين الفصائل الفلسطينية
احترامي وتحيتي لروحك الطيبة
بلسمينة
اسم الاداة باللغة العربية هو
"تسميات"
وليس
"تصنيفات"
اوكى!!
مش عارف ده خطأ مين فينا, لكن الغالب انها مؤامرة يهودية
ابحثى عن اداة اسمها "تسميات" وانا اقسملك انى اقفل المدونة دى واسرح ببطاطا لو لم تعثرى عليها
على اى حال لازم يكون فى مدونتك تدوينة على الاقل فيها تصنيف , عشان تجربى
اتمنى من كل قلبى انك تلاقي الاداة , لانى مبحبش البطاطا بصراحة
أضحك الله سنكَ يا باشا
بحثت وبحثت ونقبت ومن كثر التنقيب اكتشفت نفط في مدونتي الغالية
كان بودي أن تسرح بالبطاطا حتى يتسنى لي اقتحام مدونتكَ سلميا ولكن من لِ أصحاب المشاكل ملجأ بعد الله إلا الأستاذ الراقي وائل لذلك وأخيراً وبعد جهد وجدت الأداة المشئومة
شكراً لك من أعماق قلبي على سعة بالكَ حفظك ربي وزادكَ الله بسطة في العلم الرزق
ترقب زياراتي كلما حدثت مشادة بين بلسمينة و بلوج
تحيتي لروحك الطيبة
شكرا لك على العموم
عندما ادون في المدونة يظهر الموضوع كامل للزوار فيقرؤوه ويخرجوا لا انا اريد ان يظهر منه جزء ولمن يريد الاكمال فاليدخل للموضوع واليكمل هكذا اريد ولكن لم اعرف ان اعملها كيف ؟
انتظرك
يحيى
من هنا
http://blogger-lu2a.blogspot.com/2008/05/blog-post_21.html
بجد مدونتك جامدة جدا ومفيدة وماشاء الله ربنا يزيدك من نعيمه يا من تنقل علمك لنا
ارجوك ان تساعدنى
اريد وضع كود يضهر من خلاله ايميلى
على المدونة
مثلا صورة بشكل رسالة على المدونة بمجرد ان يضغط الزائر عليها يصل الى ايميلى ارجو الا هتمام ربنا يخليك واشوفك دكتور الامة
ملكة بحجابى:
الكود اهو
<a href="mailto:whatever@hotmail.com" target="_blank"><img border="0" alt="راسلنى" width="200" src="the-image-url-here" height="100"/></a>
هاتبدلى whatever@hotmail.com بايميلك ايا كان
وهاتبدلى the-image-url-here بلينك الصورة
والـ width والـ height غيريهم براحتك حسب مقاس الصورة
بحذر , وبدون حذف علامات التنصيص طبعا
اوكى
السلام عليكم
اتبعت خطوات الاعلان عن المدونة وطبقت كل النقاط لكن في حالة التحقق يكتب :لم يتم التحقق
هل هذا معنى ان المدونة لم تضاف ؟
النبيل
وعليكم السلام
مش فاهم انت بتتكلم عن ايه
من فضلك سيب السؤال ف نفس الموضوع المشروح
البوست ده خاص بالاسئلة اللى ملهاش مواضيع
أسف ما كنت عارف وضعت السؤال في مكانه
المناسب أرجو الرد وشكرا لك
عدتُ والعود أحمد ..
السلام عليكم والرحمة .. أولاً كلمة لا بد أن تقال فـ شكراً قليلة بحق وحق جهدك .. لاحرمت الدعاء ..دروسك استفدت منها كثيراً .. وبإذن الله سوف يكون التطبيق عملياً على مدونتي العزيزة ..
لكن مازالت مشكلة التنصيف تؤرقني
..
سؤال صريح ..ماهي طريقة عمل تصنيف مثل تصنيفك ..
يعني كلمة تصنيف وممن ثم
الدروس
عام
وهكذا ..
والسؤال الثاني درس انشاء بوستات متمددة ليش ظاهر عندي الشرح ..
أعلم أني أزعجتك ولكن أطمع في كرمكم..
بورك عملك استاذي الفاضل
بلسمينة
وعليكم السلام ورحمة الله
االتصنيفات عشان تظهر لازم يكون فيه بوستات , دى حقيقة علمية
اكتبى بوستات وحطى فيها تصنيفات فتكون النتيجة ان التصنيفات تظهر ف المدونة
درس البوستات المتمددة يمكن صعب شوية اتاكدى انك نفذتى الخطوات بطريقة سليمة
السلام عليكم والرحمة
:( اعتذر لطرحي السؤال هنا
لكن قدر طرحت السؤال في مكانه المخصص ولم تجب فقلت ربما هنا تراه ..
هل أستطيع أن أضيف خط لخطوط البلوج ؟؟
وكيف أجعل هيدر المدونة يملئ الصفحة؟؟
أعتذر لطرح السؤالين هنا
ولك الدعاء الخالص من القلب
بلسمينة
وعليكم السلام
لا الاسئلة بتوصلنى , بس الشغل بيمنعنى اجاوب بسرعة
مسالة الخط ممكنة , لكن محدش هايشوف الخط الجديد الا اللى عتدهم الخط ده فى مجلد الخطوط الخاص بالويندوز , لانها مسالة تتعلق بالويندوز
يعنى لو غيرتى خط مدونتك بخط تانى مش موجود فى الويندوز بتاعى ’هاشوف مدونتك بدون اى تغييرات , مفهوم
الطريقة تقدرى تستنبطيها من الدروس الموجودة هنا وهى انك تغيرى اسم الفونت الموجود ف صندوق الاكواد باسم الفونت اللى موجود عندك
************
السلام عليكم والرحمه
هـ أنا قد عدت بعد دراستي لـ لجميع البدايات ..
ليس لدي خبرة في لغة HTML ولكن خبرتي في لغة c جعلت من تعريف المتغير قبل استخدامه حلاً لأضافة خط
ف أضفت الخط هنا :: Variable name descriptionfont
- ولكن لم أجده في خيارات الخطوط .. هل اخطأت في إضافته ؟؟
- تعكر مزاجي تلك المحطات بين الحروف وأقصد التقطعات وأرفقت الصورة لكي ترى ..
غيرت الخط في خصائص الخط وجعلت من حجمة اكبر ومازالت التشققات تعتلي محيا الخط .
[url=http://up.xdxbx.com/][img]http://up.xdxbx.com/uploads/05fb2397c5.gif[/img][/url]
- هل لِ اداة JavaScript خصائص في تحرير HTML بحيث أستطيع التحكم بنوعية وحجم خطوط المسميات ؟
- أخيراً .. وأعلم أنني قد أطلت .. هل درس تعريب المدونة يطبق ع تعريب القالب .. أعجبني قالب لكن لغة حوارة انجليزي أردت تطبيق ما ذكرت في درس التعريب
فلم أجد ما ذكرت.. فلربما يختلفان في التطبيق ..
فقط أريد أن يكون هيدر المدونة يملئ الصفحة فكيف الحصول على ذلك ..
قد أطلت ولكَ مني العذر ..
وإن تعبت من أسئلتي ف أجعلها في صنف النسيان فلربما أيئس من بلوج واحذف المدونة وأنا في يداية الترميم
شكراً لرحابة صدركَ مقدماً ..
تحيتي لكَ
السلام عليكم
اقدر لك ما تفعله من اجلنا نحن المبتدئين
اريد منك طلب :
ادخل على هذه المدونة
http://almaaey.blogspot.com/
كما ترى ستجد كل تدوينة ظاهره بالكامل ما اريده هو أن اضع ايقونة اضافة تعليق تجد كل تدوينة في الصفحة الرئيسية بدلا من ان أدخل الى داخل الموضوع ثم ابحث عن الايقولنة لأن كل شخص لا يعرف ذالك لذا اريدو ضع الايقونة بجانب التاريخ اواي مكان وتكون ظاره في الرئيسية هل استطيع ذالك ؟ لو خدمتني في هذه سأكون شاكرا لك وادين لك بواحده
انتظرك
السلام عليكم ورحمة الله مدونتك دى بجد مشاااء الله حلوة اوى
:-bd مفيدة يعنى
بس انا عندى استفسارين بعد اذنك
بالنسبة للايموشنز فانا من مدمنة الايموشانات فى التدوين وفى الماسنجر وكله
وفرحت لما لاقيت الموضوع بتاع حضرتك عن الايموشنز لبلوجر
واتبعته بالظبط
بس مفيش حاجة اتغيرت عندى:((
فمش عارفة ايه السبب بالظبط
وسؤال تانى معلش :">
انا كنت عاوزة اغير التيمبليت بتاع المدونة بتاعتى والثيم الجديد عندى على الجهاز بس فى صورة ملف مضغوط فمش عارفة اعمله ابلود ازاى
ولما بفك الضغط بيطلعلى ملفات كتير كلها شكل بعضها
وكلها فيها اكواد ومفيش ولا واحدة فيهم نافعة
اتمنى ان حضرتك ترد عليا
وجزاك الله كل خير :)
بلسمينة
-لست متاكدا من نجاح اضافة الهط بهذه الطريقة , لم اجربها من قبل ,فقط تاكدى من كتابة اسم الهط بطريقة صحيحة
-خاصية التشققات اسمها
letter-spacing
ابحثى عنها فى صندوق الاكواد واحذفيها
-لا
لازم تستعملى الاكواد المناسبة
يلزمك معرفة بلغة css
-التعريب يطبق على اى قالب حديث
ربما تختلف المسميات نعم
لكن مثلا كلمة body
لن تتغير ابدااا
على اى حالالطف طريقة للكتابة العربية هى التى توجد فى درس :احترف الكتابة
ضمن خصائص الهيدر , توجد خاصية العرض width
غيرى القيمة
عذرا للتاخير ف الرد
يحيى ال زايد
افتراضيا المفروض تكون موجودة
والاجابة الطبيعية لسؤالك انك تدخل صفحة عناصر المدونة "التخطيط
اضغط edit
اللى موجودة فى منطقة البوستات
هاتفتح نافذه جديده
ضع علامة "صح" امام الاشياء التى تريدها ان تظهر بجانب التاريخ
لو الطريقة منفعتش , اخشى انه اسهل لك انك تغير القالب تماما بدلا من الدخول فى معركة مع الاكواد
oRiGiNaL HeArT
وعليكم السلام ورحمة الله
حكاية الاسموشن , اتاكدى انك حملتى اخر نسخة من الفايرفوكس
وكمان حملى الجافا بالمرة
وطبعا الخطوات المكتوبة ف الدرس بطريقة سليمة
واهم حاجه طبعا النيه السليمة , وان شاء الله تشتغل
***************
الصور لازم تترفع على موقع رفع صور
بس لازم اشوف الملف المضغوط عشان اقولك تعملى ايه بالظبط
يا استاذ وائل..لدي سؤال محيرني..وأعتقد إنو إجابته بسيطة
كيف اصنع فلاش زي إللي إنت مسويه فوق أعلى الصفحة وحاط فيه ارتباطات (المدونة الرئيسية/دروس بلوجر/قوالب بلوجر وغيرها)
عزيزي شكرا لك اسحب كلامي السابق ولكن لدي مشكلة !!!!
لا توجد ايقونة اضافة تعليق نهائيا في المدونة لا في الظاهر ولا داخل المضوضوع
ارجوك لا تقل لي غير القالب مستحيل لأنني تعبت فيه جدا
اتمنى ان تجد لي طريقة اخرى ولو كلفني هذا ان اعطيك الباسوورد وتدخل عليها وتحلها وهذا افضل وشكرا لك انتظرك
Nizar
زى مانت قولت السؤال سهل
الفلاش بيتعمل ببرنامج تصميم فلاش
ابحث ف جوجل عن سوفتوير تصميم الفلاش
*******
يحيى ال زايد
هو ممكن ادخل انا واظبطهالك , ابعتلى بياناتك على الميل وانا ف اقرب فرصة ان شاء الله اعملهالك , لانى مشغول شويه
شكراً لك على الأجابه وأعلم أنني قد أزعجتك في زياراتي المتكرره..
لم ينجح الخط لإنه لايمكن اضافة خطوط إلا للمدونات المدفوعة الثمن..
بحثت عن هذه الخاصية letter-spacing
ولم يتم العثور على النص المراد البحث عنه:(
ليس القصد هو تعريب الكتابه من اليمين لليسار ..
بل تعريب القالب نفسه وتحويل الـ bottom من لغة انجليزيه الى عربيه
ربما علي دراسة لغة الـhtml:)
شكراً لك بعمق البحار
لك تحيتي وتقديري
السلام عليكم ورحمة الله وبركانه
لك منى أجمل التحية على هذه المدونة الرائعة التى تفيد الكثيرين انا اسفة انى حطت الاستفسار قبل كده فى غير مكانه لم الحظ اعلانك عن ذلك الا بعد كتابة التعليق
انا كان ليه سؤال بخصوص الازرار الى تحت رأس الصفحة مباشرة ازاى بتتعمل اصلى عندى مدونة وكان نفسى اعمل الاضافة دى الى انتم واضعين فيها (للاتصال - قريباً - دروس البلوجرز ) وهكذا واكون مشكورة ليك جداً ياريت تشرحى ازاى اضافتها فى المدونة لدى
أشكرك على اهتمامكم ورحابة صدرك لكل الموجودين
اخي الكريم عندي صور في الفليكر واريد وضع الصور كعرض شرائح في البلوجر الخاص
حاولت وماعرفت الطريقة
اتمنى شرح بالصور إذا تكرمت
تم ارسال المعلومات انتظرك وارجوك اساعجل واشكرك
candic1
الازرار اللى انا حاططها عبارة عن ملف فلاش صممته ببرنامج تصميم فلاش , ومن ثم اضفته ف المدونة كما هو مشروح ف درس كيفية اضافة فلاش للمدونة
البرنامج اللى انا استخدمته اسمه Sothink SWF Easy تقدرى تدورى عليه وتحمليه
بعد ماتصممى الفايل ادخلى موضوع اضافة الفلاش وكملى
جربى ولو فيه مشاكل ابقى اكتبى هنا
* * * * * *
ஐأروقـ الروح ـةஐ
اداة الفليكر موجودة ضمن الادوات
اسمها Slideshow (New!)
او المقابل باللغة العربية : عرض شرائح
بعد كده يتم اختيار موقع فليكر من ضمن المواقع المتاحة
واكمال البيانات المطلوبة كاضافة اسم المستخدم او كلمة السر
بلسمينة
العفو :)
لو تقصدين تعريب الاكواد
مثلا body تصبح :جسم
طبعا مستحيل , نحتاج مبدئيا متصفح يمكنه قرائة تلك الاكواد المترجمة , لا يمكننى حتى تخيل ذلك , فقط سانسى الامر واستعذ بالله
letter-spacing
لابد انها موجودة
فقط ابحثى بدقة
عزيزي سؤال :
اريد ان اضع في زاية الارشيف لدي بالمدونة بدلا من الايام وعدد التدوين فيها
اريد وضع تصنيفات
بدلا من سلم الايام اريد تصنيفات ادون في هذه الفروع فقط كيف ؟ واذا عملتها كيف اجعل التدوينة المعينة تتبع التصنيف الفلاني ؟
^_^
لا حفظك الله لم أقصد بتعريب البرمجة
سـ أضرب لك مثال ..
زر قريباً الذي في مدونتك افرض انه كان soon
سؤالي كيف أصبح قريباً
هذا ما أقصده بعض القوالب تكون لغة محاكاتها انجليزية ..أتمنى أنني قد أصبت في الشرح ..
بحثت عن تلك الكلمة وكأنني أنقب عن بئر نفط ,, وفي الأخير وجدتها ولله الحمد
لكن عندما حذفت الكلمة انقلبت المدونة رأس ع عقب
وهذا الأمر يحدث كلما أضفت أو حذفت شيء في HTML
ما المشكلة ..؟؟
حفظك ربي ورعاك وأعتذر على تكرار الزيارة
تحيتي
بم اني سألت مرة دعني اسأل هذه ايظا لكي لا اتعبك ولتجاوب على الاثنين مع بعضهما البعض لاحظ انني سألك قبل هذه وهي سؤال مهم
وهذا سؤل غبي قليلا
عندما اضيف موضوعا جديدا مثلا اريده على شكل خاطرة
اريد على هذا التنسيق
,,,,,,,,,,,,
,,,,,,,,,,
,,,,,,,,
,,,,,,,,,,,,
,,,,,,
وهذا ما افعلى عندما انسق الموضوع ولكن عند الاضافة يكون على شكل قطعة فقط من غير سطور
ولكم هذا الموضوع مثلا ولاحظوا انني اريده ان يكون على سكر اسطر كالسعر العمودي ولكنه اتى على هذا الشكل ما الحل !!!!
http://almaaey.blogspot.com/2008/12/blog-post_18.html
السلام عليكم ورحمة الله و بركاااته.
أشكرك أخي ع الدروس الجداَ رائعه و مفيده
جزااك الله خير
بس عندي سؤال كيف اسوي لي بنر و كم لازم يكون السايز لاني أحيانا الاحظ إن الصور تكرر أو حتى يظهر جزء منها فقط و بغيت أستفسر عن الحجم أو السايز المناسب لخلفية مدوني
و أثناء محاولتي لضم بلوقي لخريطة غوغل لم أجد Add General Web
و شكراً لك دروووسكجدا راائعه لولاها لفقدت الأمل في انشاء مدونة
السلام عليكم
اخى الفاضل جزاك الله خيرا
وبارك فيك لحل مشاكل المدونين
اما عن مشكلتى فهى بسيطة ان شاء الله
وهى اننى عندما قمت اليوم بنشر البوست الجديد
فظهر لى بتاريخ 25-2-2009
وهذه المشكلة دائما ما تحدث فى مدونتى
فما الحل بارك الله فيك
فانظر الى التاريخ على راس الصفحة ستجده تاريخ قديم
ولكن اقسم لك بالله اننى ما نشرتها الا اليوم
:)
http://bel7ekma.blogspot.com/
ارجو ان تكون قد فهمتنى
والسلام عليكم
"اداة الفليكر موجودة ضمن الادوات
اسمها Slideshow (New!)
او المقابل باللغة العربية : عرض شرائح
بعد كده يتم اختيار موقع فليكر من ضمن المواقع المتاحة
واكمال البيانات المطلوبة كاضافة اسم "المستخدم او كلمة السر"
جزاك الله كل خير اخي الكريم أعلم أن الأداة موجودة وقمت بعمل ماذكرت من وضع اسم المستخدم فقط
لكن للأسف ظهرت صور غير الموجودة في ملفي بفليكر
عموما جزاك الله خيرا بحثت ووجدت مع جوجل خدمة رائعة نفس الفليكر
واستغنيت عن الفليكر
مرحبا
كيفية الأشتراك Google AdSense ؟؟
وشكرا لك
يحيى ال زايد
اعمل "تحرير " للاداة من صفحة عناصر المدونة واختر طريقة العرض المناسبة
اما طريقة الارشيف انا شرحتها هنا اكثر من مرة
اضغط هنا ctrl + f
واكتب : تصنيف , هتلاقى الشرح
**************
بلسمينة
زر "قريبا " وبقية الازرار بجانبه , عبارة عن ملف فلاش كتبته انا بخط عربى بواسطة برنامج تحرير فلاش , وليست ازرار اتش تى ام ال حقيقية
اى لينك بداخل المدونة من الممكن ان تعتبريه زرا , ليست مشكلة ابدا ان يكون عربيا
لا ادرى ما معنى : محاكاة المدونة للغة العر بية
لا اعلم ما المشكلة ف هذا الكود’ ربما حذفتى اكثر من اللازم ؟
ممكن تبعتيلى القالب وان شاء الله ابقا اشوفه
***********
يحيى ال زايد
اعتقد انك بحاجه الى قراءة موضوع احتراف الكتابة
حتىتتقن المحاذاه بطريقة يدوية , علما بان كود المحاذاه بالشكل التالى
dir="rtl" align="justify"
بدلا من
dir="rtl" align="right"
* * * * * *
سمو الاميرة
وعليكم السلام ورحمة الله وبركاته
البانر عندك لازم يكون عرضه 700 بيكسل بحد اقصى , ممكن اقل منك كده
والطول براحتك , ممكن 250 بيكسل مثلا
هاتعملى بانر ببرنامج تخرير صورزى الفوتو شوب , او تجيبى صورة جاهزة وتغيرى مقاساتها بالمقاسات الجديدة
درس بانر للمدونة
* * * * * *
على عبد الله
وعليكم السلام ورحمة الله
اعمل تحرير للبوست ده من قائمة البوسوتات
اضغط تحت على post option اومايقابلها بالعربى
هاتلاقى خانة مخصصة للتارريخ , غيره براحتك
**********
النبيل
ابحث فى جوجل عاتلاقى اكثر من مدونة عربية تهتم باعلانات جوجل من الصفر
السلام عليكم
اسعد الله مساؤك
اريد سؤالك شئ
كيف اضيف آداة لتظهر بالرئيسية كــ ( اضفنا لمفضلتك ) ..,,,؟؟
تابع لما سبق
اريد عمل في الهوامس لستة ( قائمة ) وكل فقرة منها مرتبط بشئ خارجي هذه حركة معروفة ولكن الذي لم استطع عمله هو ان اجعل فوق القائمة صورة ، ومن هذه الصورة تأتي تحتها القائمة ؟؟؟؟!!!
السلام عليكم و رحمة الله وبركاته ،،
أخي وائل لدي سؤال بشأن مقاس خلفية المدونة
إذ إنني أريد أن أصمم خلفيتي الخاصة عن طريق الفوتوشوب و لكنني لاأعلم المقاس المناسب الذي يسع مدونتي
و كذلك لدي سؤال أخرو وهو أين أضع بنر المدونة ؟؟وأي مقاس أختار للبنر ،،
جزاااك الله خير و رزقك الجنة ^^
يحيى ال زايد
درس جديد يشرح اضافة المدونة للمفضلة
********
سموالاميرة
وعليكم السلام ورحمة الله وبركاته
بالنسبة لمدونتك
العرضيكون 700 بيكسل بحد اقصى
والطول براحتك
اضافة بانر المدونة
د/ وائل السلام عليكم
عندي سؤال ارجوا ان تساعدني فيه وهو
كيف خانة مثل الموجودة عند على يسار القارء للمدونة اقصد التي فيها ركن البلوجر والارشيف ولينكات مهمة شرط تكون بنفس طريقتك الرائعة
شكرا على اهتمامك بقراءك
السلام عليكم د. وائل
احيكك على المدونة وعلى اجاباتك
عندى مشكلة فى المدونة اتمنى ان اجد حلا لها عندك
عندما اقوم بنشر اى بوست لا يظهر التاريخ برغم انى فى الاعدادات حددت ان يظهر التاريخ وحاولت تغيير القالب عسى ان يكون هو المشكلة ولكن لا فائدة اود ان اعرف كيف يظهر التاريخ مع العلم انى سبق لى التدوين قبل ذلك وكان التاريخ يظهر تلقائيا
ارجو ان تجيب عن سؤالى
تحياتى
البداية
*********
اعتقد الشرح فى درس قائمة روابط متمددة
ايمان مجدى
**********
وعليكم السلام ورحمة الله
اتاكدى مرة تانية ان التاريخ مفعل
من صفحى العناصر > تحرير الجزء الخاص بالتدوينات > هتلاقى العناصر المتاحة للعرض اسفل كل بوست .
اتاكدى ان التاريخ متعلم عليه صح
( فقط للتاكيد )
اذا لم تنجح المحاولة ابعتيلى القالب
سلام عليكم ورحمة الله
بجد انا انبهرت باللى معمول في المدونة ما شا ءالله عليك
وعدم تاخرك على اللى بيسالوك او مللك
فجزاك الله خيرا
انا لسه بقول ياهادي ى في عالم البلوج
عندي سؤال واسفة لو مكرر لان لاقيت الاسالة كتير مش عرفت اقراهم كلهم
دلوقتي انا لما غيرت القالب وجبت قالب جاهز من مواقع متخصصة وركبته على امدونة اختفت لوحةالتحكم اللى بتظهر فوق اخليها تظهر ازاي؟
حاة تاني انا عايزة اضيف فيدوهات بس مش في الرسايل عايزة اضيفها في السايت االى على اليمين ايه الاداه الخاصة بكدا
واسفة لتعب حضرتك
السلام عليكم
د. وائل انا حاولت الاقى مكان التاريخ بس مش لاقياه للاسف
انا كنت عاملة القالب son of moto وغيرته ل thisaway green على blogspot
القوالب الموجودة من اختر قالبا جديدا
حاولت اشوف المكان فى الرسايل اللى بيظهر التاريخ مش لاقياه
ياريت حضرتك تكتبلى خطوات
شكرا واسفة على تعبك
القمر الساهر
********
وعليكم السلام ورحمة الله
اهلا بيكى ف عالم البلوجر
اول مرة حد يسال ازاى يظهر شريط لوحة التحكم
المفروض اننا بنحاول نخفيها
على اى حال
لو عايزة تظهريها
ادخلى صندوق الاكواد
ابحثى عن كلمة navbar
احذفيها واحفظى
اما الفيديو
هاتعملى اضافة عنصر جديد
هاتظهر صفحة فيها ادوات كتير
من ضمنها اداه اسمها "فيديو " خاصة بالفيديو
اوكى
ــــــــــــــ
ايمان مجدى
********
هاتدخلى صفحة عناصر المدونة
هاتلاقى منطقة السايد بار , ومنطقة البوستات ومنطقة الهيدر ,صح
فى منطقة البوستات هاتلاقى تحت لينك اسمه : تحرير
افتحيه هاتلاقى العناصر المتاح عرضها اسفل كل بوست زى الساعة والتاريخ وعدد التعليقات وخلافه
علمى علامة صح على اللى عايزاه يتعرض
مش عارف اذا كنتى عملتى كده ولا لأ بالفعل , جربى
مرسييييييي قوي
الكنترول بامل ظهرت .. بالعكس انا بشوفها تظهر احسن علشان سهل اروح للاعدادات على طول
بالنسبة للفيديو انا دورت عليه كتير حتى قبل ما اسالك
اللى موجود شريط فيديو لما باختاره بيظهري فيديوهات غريبة انا عايزة انا اللى احدد الفديوهات دي مش بيطلب منى رابط ليها
ومرسيييييييي ليك
جزاك الله خيرا
دكتور وائل السلام عليكم ورحمة الله وبركاته
عملت أزرار عرضية في مدونتي ولكن كل ما أفتحها يقول لي الصفحة غير موجودة
أرجو الإفادة وجزاك الله خيراً
السلام عليكم
كنت عايزة اسأل حضرتك
انا انا مدونتي معلقة علي بوست معين هو اللي ظاهر في قائمة المدونات في كل المدونات التانية
و بعد ما نزلت حاجات بعده لسة هو بردو اللي ظاهر بس
و حذفته خالص لسة بردو هو اللي ظاهر
اعمل اييييه ؟؟؟
ده لينك المدونة
dr-esso.blogspot.com
و البوست المهنج ده اسمه
الواااااااان
هستني رد حضرتك
و شكراااااااا جزيلا لحضرتك
:))
القمر الساهر
************
فى قطعة الفيديو تقدرى تخصصى channel معينة لو ليكى channel على اليوتيوب
لو عايزة فيديو معين
فى موقع اليوتيوب هاتلاقى حاجة اسمها embed
جنب الفيديو المعروض
ده عبارة عن كود , انسخيه والصقية فى قطعة html/java script
ده بالنسبة لليوتيوب او اى موقع فيدوهات , كلهم هاتلاقى فيهم خاصية الـ embed
_______________________
assafwa
********
وعليكم السلام ورحمة الله وبركاته
اتاكد انك كتبت اللينك صح بالطريقة دى
http://www.google.gom
_______________________
esraa hamed
************
وعليكم السلام ورحمة الله
دى غالبا مشكلة فى الفييد feed بتاع البلوج
ادخلى الاعدادات
داخل الـ site feed او "التعذية" لو مدونتك عربى
اتاكدى ان كل الخيارات جواها full
واحفظى , وجربى
"لو الخيارات كلها full بالفعل هاتنتقلى للحل التالى "
فى نفس الصفحة - رابع اوبشن , هاتلاقى بوكس لتغيير الرابط الخاص بتلك التغذية لو الرابط الافتراضى حصل فيه عطب لاى سبب
"If you have burned your post feed with FeedBurner, or used another service to process your feed, enter the full feed URL here. Blogger will redirect all post feed traffic to this address"
موقع الفييد بيرنر ده خاص بالتغذية
هاتعملى حساب عليه باسم مدونتك
وهايديكى لينك بالتعذية بتاهتها
تنسخيه فى البوكس بتاع البلوجر
وتخفظى
موضوع ابعتلى احدثالمواضيع ممكن يساعدك
د/وائل
انا عملت زي ما حضرتك قلتلي بالظبط و مفيش حاجة بردو
لسة البوست ظاهر في كل المدونات
:((
و عملت مدونة جديدة خالص و عملت تصدير للمدونة الاصلية ليها بردو كان ده اخر بوست طالع و مش بيظهر اي حاجة احدث
معلش انا عاملة ازعاج لحضرتك
بس هو مفيش اي طريقة تانية ؟؟
Esraa Hamed
فعلا الفييد عندك واقف عند بوست : الوااان
متاكده ان اعدادات الفييد " التغذية " كلها full ?
اتاكدى كويس الاول من الجزء ده
*********
بعدها اقولك ممكن نعمل ايه تانى
ولو انى مش عارف بصراحة, لغاية دلوقتى على الاقل
بس انا متاكد ان فيه حاجه ف الاعدادات عندك مش سليمة
شكرا لحضرتك جداااااااا بجد
انا شفته تاني اهو
السماح بمواجز المدونة دي معمولة كامل
مش عارفة بقا المشكلة من ايه كده
طيب شايفة عندك فى المدونة فيه شات تحت
ممكن تكلمينى فيه !
انا بتكلم بس تقريبا الكلام مش بيوصل
ايوة , انا عمال اقولك : اعملى ريفريش , بس كلامى مش بيوصلك
اعملى ريفريش
او ضيفينى عندك
dr.wael4health
هوتميل
السلام عليكم
عندما اضفت تدوينات جديدة للمدونة لاتظهر في الأخير اضافة تعليق
مختفية تماماً في الاضافات الاخيرة لكن القديمة
فيها اضافة تعليق .. ماهي المشكلة ؟
وشكرا لك
لدي تدوينة بالاسفل نزلت واريد أن اجعلها بالاعلى ضمن التدوينات الجديدة
مع الاحتفاظ بنمط الترتيب بالاحدث بحيث لا تقول لي غير النمط الى المحتوى أو عدد التعليقات
عملت تحرير لها وارسال من جديد على أمل أن ترتفع مع الجديدة ولم أنجح
السبب هو وجود حوار حاد وجميل فيها بين القراء لدي ولا اريده ان ينتهي لذا اريد رفعها مع الاعلى
كيف ؟
انتظرك
مساؤك سكر
السلام عليكم
كنت عايز اعرف ازاى اتنقل للصفحه التانيه للمدونه مثلا انا خلصت كتابه مواضيعى بالصفحه الاولى واريد الكتابه بالصفحه التانيه او التالته ازاى
ولك جزيل الشكر
النبيل
*******
وعليكم السلام ورحمة الله
اثناء تحرير اىت دوينة
يوجد باسفل صفحة التحرير - بجانب التاريخ - خيارات للتعليق
تاكد ان التعليقات للتدوينات المذكورة متاحة
----------------
يحيى ال زايد
**********
الترتيب يعتمد على التااااااريخ
تاريخ التدوينة
غير التواريخ براحتك , وبناءا عليه هايتغير الترتيب
---------------
FOX
*******
وعليكم السلام ورحمة الله
مفيش حاجه اسمها صفحة اولى وتانية
هى صفحة واحدة
كل اللى تعمله هو انك تحدد كام بوست هايتعرض فيها
وده عن طريق انك تروح الاعدادات
وبعدين > التهيئة
وتحدد كام بوست يتعرض لكل صفحة
الف شكر ليك ياعم وائل
سلام عليكم
بعد اذنك كنت عايزة اعرف ازاى اضيف فيديو في حيز صغير ولما يضغط عليه يتقتح في ويندوز بشكل اكبر زى اللى فى المدونةدى
http://www.karim4life.blogspot.com/
شكرا ليك
القمر الساهر
وعليكم السلام ورحمة الله
فيه من ضمن الادوات اداة اسمها
video bar
او : شريط فيديو
دى بتعرض فيديوهات من على اليوتيوب
تقدرى تحددى الفيديوهات اما بالـ channels
أو تختارى عرض افضل فيديوهات top rated
جزاك الله خيرا
شكرا ليك
مساء الورد عليك أخي الكريم
عندي سؤالين .... الأول كيف اقدر احط لينك لموضوع بحيث يفتح الموضوع في صفحة مستقلة
والسؤال الثاني .. كيف أقدر اضيف ملف بصيغة فلاشswf
,,,,كل الشكر لك يا حبيبي
السلام عليكم
ممكن اعرف ازاي احط بانر فلاشي مكان صورة راس الصفحه ..يعني احول صوره الهيدر الي ملف فلاش بامتداد
swf...
مع العلم ان الملف تم رفعه وجاهز للتركيب
شكرا
السلام عليكم ورحمة الله وبركاته
...
اشكرك بشدة علي مدونتك الرائعة
فأنا مبتدئة في عالم التدوين وما زلت اتعلم المبادئ
وحقا مدونتك افاتدني كثيرا
فوجدت انه من حقك ان أقول
( جزاك الله عنا كل خير )
وفقك الله دائما
..
هل لي بسؤال ؟
هناك أداة تسمي عرض شرائح
المقصود بها صور
هل يمكن ان اضع صور من عندي علي هيئة شرائح ؟
..
اتمني ان لا اكون أكثرت عليك
..
السلام عليكم
وائل لدي مشكلة أواجهها في كل مرة اطبق فيها درس لك فيه اضافة لكود !
وهي عند اضافة اي كود واعمل حفظ يقول لي رسالة خطأ فيها التالي :
تعذر علينا حفظ القالب
يرجى تصحيح الخطأ التالي، ثم إرسال القالب مرةً أخرى.
لا يمكن توزيع القالب الخاص بك لأنه غير منسق بشكل جيد. الرجاء التأكد من إغلاق كافة عناصر XML بشكل صحيح.
رسالة خطأ XML: The content of elements must consist of well-formed character data or markup.
.
.
.
ما المشكلة لم اعرف حلها !!!!
قلب انسان
مساءالنور :)
من http://blogger-lu2a.blogspot.com/2008/04/blog-post_6197.html***********
م.. Ahmad Hassan Almessalami
وعليكم السلام ورحمة الله
برضو من من http://blogger-lu2a.blogspot.com/2008/04/blog-post_6197.html***********
انسانة
وعليكم السلام ورحمة الله وبركاته
فيه اداة من ضمن ادوات المدونة اسمهاسلايدشواو عرض شرائح
ومن خلالها بتدعمجوجلعدةمواقع صور زىفليكرflicker
فلازم يكونلك حساب فى احدى المواقع دى ويكون صورك عليه , بحيث تحطى رقم الحساب بتاعك فى الاداة , ومن خلالها تقدر الاداة تستورد صورك الموجودة على الموقع
اتمنى انى اكون وصلت الاجابة
***********
يحيى ال زايد
الرسالة معناها ان فيه خطافى تركيب الاكواد
وده معناه انك نقلت الاكواد غلط او حطيتها ف مكان خطا , او ممكن تحصلللى عندهم قالب كلاسيك ويحطوا فيه اكواد خاصة بالقوالب المودرن
ابقا راجع الخطوات كويس , واتاكد ان فيه ناس نفذت الخطوات ونجحت معاهم
أحب أسألك يا أستاذي..كيف أجعل للمدونة روابط فرعية ..تظهر في متصفح جوجل؟؟
يعني مثلا..لو بحثت عن مدونةرجل المطر..تلاقي روابط فرعية للمدونة تظهر مباشرة في المتصفح..أو بلاشي نقول روابط فرعية..خلينا نقول أقسام المدونة..فكيف أسويها؟؟
السلام عليكم
أريد أن أعرف من فضلك الطريقة التي بواسطتها يمكن إدراج أكواد هتمل أو جافا في التدوينات
فكلما أحتوت التدوينة على أحد الأكواد لا يمكن تشر التدوينة وتظهر رسالة تقول بأن خطأ في الأكواد وأنها عير منسقة بشكل جيد
أرجو الحل ودمت موفقا
وبالله التوفيق
طريقه للحفاظ علي عرض المدونه عند التحويل في شاشة الكمبيوتر من 768\1024 الي 800\600
NIZAR QADI
ليس لك من هذا الامر شئ
الحكاية دى " جووجل " اللى بتعملها وليس المستخدم او صاحب الموقع او المدونة
وجووجل بتصنفها تبعا لشهرة موقعك او مدونتك , وايضا لجودة تنظيم مدونتك
ووجود تصنيفات لائقة واشياء اخرى .
على اى حال الامر بتصرف من جووجل اولا واخيرا , كل ماعليك انك تنسق التصنيفات تنسيق جيد جداا
************
عمر
اقرأ موضوع رابط للاعلان عن المدونة ************
Ahmad Almessalami
عم طريق تحويل قياسات المدونة من وحدة البيكسل , الى الوحدة النسبية , اى %
بمعنى لو ان الاطار الجانبى عرضه 250 بيكسل
يتحول الى 25% , واضح ؟
ايها الاخوة والاخوااات
تم اغلاق التعليقات هنا
وهنكمل فى موضوع جديد
اسئلة الضيوف 3 الرابط :
http://blogger-lu2a.blogspot.com/2009/05/3.html
شكرا لتعاونكم :)
Post a Comment
اضف تعليقك هنا