+ + + + +
Share/Save/Bookmark

2008-05-02

احمى مدونتك من السرقة




امسك حرامى

حينما يرى الزائر - صاحبنا الحرامى - تدوينتك الساحرة , فان اول شئ يتبادر الى ذهنه بعد ان يسيل على فمه اللعاب من فرط سحر مدونتك هو ضغطة بسيطة بالفأرة " كليكة يمين " ثم اختيار select all ثم copy , ثم يذهب متخفيا الى موقعه او مدونته ويعمل - هذا المجرم - past , هكذا بكل سهولة حتى بدون ذكر اسمك او عنوانك او حتى مقاس جزمتك .

حسنا ايها السارق لن تسطيع سرقتنا بعد الان , هل تسمع ؟
هل مجرد الـ copy والـ past هو افضل ما لديك ايها الشنقيط ؟
اذا لم تكن قادر على كتابة مواضيع مفيدة فلتذهب الى الجحيم تبا لشركة " تى اى داتا " التى جعلت المتسولون ببضع جنيهات زهيدة يمتلكون انترنت فى هذا الزمن السخيف

لقدا اخذتنى الجلالة , حسنا , كفى سبابا ونرجع للموضوع , كيف نمنع هؤلاء المتسولين ومرتزقة الانترنت من العبث بمدوناتنا وسرقة " ترهاتنا " الخاصه ؟
ترهاتنا التى خرجت من بين خلايا امخاخنا , ترهاتنا تلك التى سهرنا طويلا نعدها كى تصبح " ترهات " مفيدة بشكل او باخر , سؤال وجيه
ربما لان الاجابة بسيطة وليس سوى كود واحد فقط اتيت به اليوم , لذلك - وسامحونى - فانا احتاج ان املا الصفحة ببعض الهراء و " أمط " الموضوع بقدر ما استطيع و " ألط " - بضم اللام - ايضا , حتى لا تصبح تدويناتى فارغة المنظر بخلاف المحتوى .

اعتقد ان الموضوع اصبح كبيرا الان واستطيع ان اضمه لبقية الترهات الاخرى , لنبدأ الحديث اذن عن الاكواد , وفى الحقيقة هو كود واحد فقط





ondragstart="return false" onselectstart="return false"




بهذة القطعة الساحرة تستطيع ان تمنع هؤلاء "الشناقيط" من العبث بأوبشن copy و past مرة اخرى .

كيف تستخدم الكود ؟:
اثناء تحرير التدوين , انقل الى الوضع Edit Html كما فى الصورة , الصق هذه القطعة فى المكان المناسب داخل كود <div> ,لمزيد من التفاصيل حول كيفية التعامل مع الوضع Edit Html اذهب الى هذا الموضوع " كيف تكتب باحتراف ؟ "
بهذه الطريقة لن يستطيع الزائر عمل select بالفارة على الـ divisions التى دعمتها انت بهذا الكود , ومن ثم لن يستطيع عمل copy .
حاول كده انك تعمل select على التدوينة دى او تنسخ الكلام ......... مش هاتقدر , ماتقدااااارش على راى محمد صبحى




اضغط على الصورة لتراها بالحجم الحقيقى
اضغط على الصورة لتراها بالحجم الحقيقى



مثال :

فى وضع الـ Edit Html




<div align="right" dir="rtl" ondragstart="return false" onselectstart="return false">

اكتب هنا تدوينتك

</div>




تتميز تلك الطريقة بانك تستطيع منع سرقة تدوينة واحدة , او قطعة نصية معينة, بل سطر واحد فقط لو اردت , بخلاف الطرق الاخرى التى تجعل تجعل المدونة بالكامل غير قابلة للنسخ , لو الطرق التى تمنع خاصية الـ right click للفأرة . وكلها طريق قديمة لم اشأ ان اذكرها هنا .

على اى حال هناك طرق ايضا للتحايل على تلك الحماية , وهناك " شناقيط " محترفون للاسف يعرفون من اين تؤكل الكتف , ومن اين تسرق المدونات , لكن على الاقل هى طريقة مثالية للحماية ضد " الشناقيط " المبتدئين , وتذكر تلك المقولة

" وظيفة القفل ليست الغلق , وانما ابقاء الرجل الأمين أمينا لاطول فترة ممكنة "

واخيرا , سلمنا الله واياكم من شر الشناقيط



الصق لوجو المدونة عندك

اشكال بديلة اخرى من هـنـا

41 اضف تعليق , التعليقات:

ذو النون المصري said...

شكرا علي المعلومه بس انا مبكتبش حاجه تستاهل السرقه علي اي حال بس محتاج اعرف ازاي اعمل سليد شو في البوست و علي سايد بار المدونه و لك خالص الشكر و التحيه

Esraa Hamed said...

جزاك الله كل خير علي سرعة الرد
انا حطيته خلاص اهو و كله تمام

الف شكر بجد و جزاك الله خيرا

norahaty said...

السلام عليكم ورحمة الله وبركاته
كده برضه؟
دحنا اخوات ,والنت نتنا كلنا
ماشى يابروفسير!!!

Wael said...

ذو النون المصرى :

فيه اداه من ضمن الادوات - فى صفحة الادوات - اسمها slide show

-----------

esraa hamed :

تمام , الحمد لله

-----------

Norahaty :

وعليكم السلام ورحمة الله وبركاته

النت نتنا هو انا قلت غير كده ؟

النت نتنا فعلا , دى حقيقة علمية

Mada said...

اخي العزيز من السهل جدا النقل وعمل نسخ ولم الاقي اي مشكلة عندما قمت بعمل نسخ لمحتوي الموضوع عن طريق الفيرفوكس
اذا طريقتك ما هي الا ونقول لا تنفع

:)

Om Dodo 7abiby said...

الحقيقة أنا جربتها وعملت نسخ برضه بس الفرق انها بتنسخ الكلام بخلفيته وتنسيق زى الموقع بالضبط .. يعنى مش بتنسخ الكلام بس

ياريت حضرتك تعرفنى ازاى اعمل حماية للمدونة كلها مش لبوستات معينة بس

ولك جزيل الشكر

دمت بخير اخى
سالى

Wael said...

Mada :

اهلا بيك

اديك عرفت اول اسلوب من اساليب الشناقيط المحترفين ( الفايرفوكس ) , مبروك

مفيش طريقة على الانترنت كله فيها فيها حماية كاملة , زى ماقلت دى فقط طريقة لتنشيط صفة الامانة والحث على عدم السرقة , انما مش وسيلة حماية .

---------------

Om Dodo 7abiby :

او سالى

اهلا بيكى

فى الحقيقة انا لقيت طرق كتير جدا للحماية واكواد كتير وبعضها جافا سكرسيت , انما لقيت دى انسب واسهل وافضل طريقة .

اولا لان ساعات المدون بيحتاج يكتب نص متاح للزائرين انهم ينسخوه .

ثانيا لان الحماية الكاملة عيوبها كتير جدا
مثلا : الزائر مش هايقدر يعمل right click
ودى حاجه مزعجة للكثير منهم انا, لان وظائف كتير جدا بعملها بالـ right click, غير السرقة :D

غير كده المدونة ماهى الا بوستات , فميش فايده من حماية الاطر الجانبية مثلا , مش هايتسرق منها حاجه .السرقة كلها من البوستات .

على اى حال فيه طريقة اشمل من دى , لو عايزة كل البوستات تبقا محمية افتراضيا بدون التعديل على البوستات اثناء التحرير

هاتروحى صندوق الاكواد

ابحثى عن

<body>

وخليها

<body ondragstart="return false" onselectstart="return false">

ودوسى preview عشان تشوفى النتيجة
هاتلاقى ان الـ select ممنوع

فيه طريقة تانية لمنع الـ right click
انما انا مش حاببها , لو حد طلبها هابقا اضيفها

Sally said...

تمام كده يا فندم
جربتها وكله تمام
الصور بس قابلة للنسخ والروابط
بس دى مش مشكلة

جزاك الله خيرا
ودمت بخير
سالى
om dodo 7abiby

dr.drsh89 said...

الطريقة دى جربت زى من انت قولت عن طريق
انترنت اكسبلور و الفاير فوكس و نت سكيب
3 برامج متصفحات و لاقيت انها بتعمل نسخ و كوبي مع كل البرامج دى مش مع الفايرفوكس بس





وبعدين هو اللى ينقل حاجة مش لازم يكون شقاط ممكن يكون عايز يوفر جهد ويساعد غيره

الميس said...

ههههههه
بس شكلك كنت معصب من واحد حرامي ..أنا قلت هو واقف وانت تهزأ فيه
..حركة حلوة دكتور وائل
يعطيك العافية

Dr.Hammood said...

ابوس مناخيرك قولي احط الكود فين بالظبط

أنا said...

السلام عليكم
على الرغم من ان الموضوع معروض من بدري الا اني لسة مهتمة ليه حالا
المشكلة اللي أهم مش النسخ من الموقع
المشكلة لما تدوس على view من القوائموتختار source بيطلع لك كل مجهودك وتعبك على طبق من فضة للي يحب
دي المشكلة اللي ياريت تلاقولها حل
بالتوفييييييق

نوووووووووووووووور

جيهان احمد said...

طيب ما اى حد حرامى ممكن يجيب ورقة وقلم لو حاجة عجبتو اوى ويكتبها كتاية ايه الحل بقى وقتها الحل ان كل واحد كاتب حاجة يروح يسجلها فى الشهر العقارى باسمه وفكرته كل حاجة

Wael said...

وعليكم السلام يا نور

ماحنا قولنا ان اللى عايز يسرق هايسرق , ابسط حاجه ينقلها ف ورقة ويكتبها من اول وجديد

انما هى مسالة ضمير من الاخر

****
جيهان أحمد

ده على اساس اننا بنكتب حاجه تستحق السرقة ؟
انا عن نفسى لسه مانشرتش حاجه اخشى انها تتسرق او ازعل لواتسرقت . لغاية دلوقتى على الاقل
ومعتقدش ان فى المدونات العربية - معظمها - حاجه زى كده , هو بس الواحد بيصعب عليه الوقت اللى كتب فيه الموضوع , انما مش القيمة
ده رايى

جيهان احمد said...

بغض النظر عن الشى اللى حيتسرق او اتسرق ليه قيمة او ملهوش انا شخصيا بزعل جدا لو سطر واحد اتسرق لان دة شى ليا وبتاعى انا وحاجات قضيت فيها وقت خاص جدا وكان جوايا احساسيس معينة بداخلى وانا بسرد كل كلمة وكل حرف وهو دة اكتر حاجة بتزعل فى الموضع وللاسف لحد الان مش عارفه احمي مدوناتى الثلاثة من السرقة لانى بصراحة مش عارفه اعمل اللى حضرتك قلت عليه

إرشيد أبو جراد و حمزة أبو جراد/بني حسن/الأردن http://jorhack.blogspot.com said...

يا سلام عليك يا باشا

tauor.bla.agnha said...

السلام عليكم استاذ خالد ممكن سؤال مهم من فضلك عايزة اخفاء لروابط الصور والمواقع اللى فى مدونتى لان اى حاجة بحطها فى مدونتى فى الجافا اسكريبت بيكون لها رابط سهل نقلةاو سرقته ارجو الرد وشكرا nora..

Wael said...

touor.bla.aghna


وعليكم السلام ورحمة الله اولا

ثانيا : استاذ خالد مين ؟ دى غلطة مطبعية ؟ ولا فيه حد اسمه خالد ناقل من عندى ؟ ممكن تكتبي اسم المدونة اللى فيها الموضوع ؟

ثالثا : محتاج مثال لمدونتك عشان اقدر اعرف بتتكلمى عن ايه واقولك افضل طريقة

جيهان احمد said...

معلش يا استاذ وائل غلطة مطبعية

مكنش فى حد اسمه خالد ههههههههههههههه

دى مدوناتى

مدونتي الأولى
همساتى وحياتي
http://gamilaahmed.blogspot.com/


مدونتي الثانية
مليون إحساس
http://yoommenayamzaman.blogspot.com/2009/05/blog-post_13.html

مدونتي الثالثة
كلام حواديت
http://aanelawan.blogspot.com/

انا من الناحية القانونية فى السليم وكل مدوناتى محمية

لكن عايزة امنع ان اى حد يدخل باردو يعمل قص ولصق

Wael said...

جيهان احمد
********

حصل خير :)

انا افتكرت انى اتسرقت ولا حاجه , نبقا مصيبة :D باب النجار مخلع

اولا : واضح انك ما طبقتيش الاكواد اللى موجوده هنا فى الموضوع ده , صح ؟

ثانيا لو قراتى التعليقات هاتعرفى ان فيه استحالة حماية كاملة مية فى المية لمحتوى اى صفحة على النت

ببساطة لان المحتوى بينزل فى الملفات المؤقتة للويندوز تجهيزا لعرضه بواسطة المتصفح , والمتصفح من ثم بيعرضه لصاحبنا الحرامى

ايا كان , اللى عايز يسرق - وغالبا بيكون مدقدق وفاحت النت - هايسرق بطريقة او بأخرى , لو غلب خالص هايجيب ورقة وقلم وينقل فى ورقة ويكتبهم فى موقعه , ده لو كان رخم جدا بما فيه الكفاية

المعنى مرة تانية , الحماية دى مجرد تذكرة بس بعدم الرغبة فى النقل , وبتعتبر رادع للحرامية المبتدئين جدا اللى مايعرفوش غير الكوبى والبيست

نفذي الموجود هنا

وكاضافة , للى يحب , يكتب فى مدونته ان الحقوق محفوظة وممنوع النقل الا بتصريح شخصى وختم النسر وضمان اتنين مدونين لا يقل عدد التعليقات فى مدوناتهم عن 100 تعليق , وخلافه

انا اصلا ضد حقوق الملكية , المهم ماعلينا

انا طولت

سلام :)

noralaaeon said...

السلام عليكم المرة دى مش هغلط فى الاسم انا متاسفة بجد..غلطة مطبعية ولو سمحتى ياجيجى بطلى ضحك يعنى عمرك ماغلطى جلا ماليسهو بيتهيائلى الاستاذ وائل مش زعلان واحد بيقدم كل الخدمات دى مش حيقف عند غلطة مطبعية .تقبل اعتذارى.انا باقصد ان فيه صور مثلا متحركة مثلا لما تضيفها فى المدونة بيظهر تحتها اسم الموقع اللى متحملة منه عايزة اخفى الرابط دة وحاجات تانية كتير بيكون لها رابط مش عايزة يظهر ... وشكرا nora

Wael said...

noralaaeon
************
وعليكم السلام ورحمة الله

لا طبعا مفيش مشاكل :)

فيما الصور والفلاشات وخلافه , اللى بناخدها من المواقع ونلزقها فى المدونة

اكيد طبعا بتاخدى الكود من هناك وتلزقية , قبل ماتحفظى دورى فى الكود ده عن اللينك اللى عايزة تحذفيه

هاتلاقيه غالبا فى اخرالكود من تحت طبعا
ثانيا هاتستدلى عليه بان اوله < a >
واخره < / a >

وده رمز الرابط

ده غالبا , انما فيه اكواد ساعات مبيكونش فيها كود الرابط ظاهر عشان نقدر نحذفه , وفى الحالة دى مفيش فايدة ,take it or leave it

وبرضو مفيش مثال معاكى عشان اقدر افيدك بشكل اوضح

noralaaeon said...

السلام عليكم استاذ وائل معلش سؤال كمان بس قبل السؤال اشكرك افدتنى فى اخفاء الروابط انا ضفت شات جوجل عندى بس ظاهر عندى اوف لاين ليه اخدت الرابط وضيفته كمان عايزة اعرفالقطعة اللى بتضاف لمنع السرقةمن المدونة دة بينع الرسائل يعنى الواضيع اللى بنكتبها فقط ولا بينطبق على الصور وباقى الاشياء فى المدونه...nora

Wael said...

noralaaeon
***********

وعليكم السلام ورحمة الله

لازم تحملى برنامج google talk
ويكونلك حساب , وتعملى sign in


بس من واقع تجربتى لقيت انه مش حلو
عالعموم جربى

فيه واحد افضل انا مشغله دلوقتى هاتلاقيه على ايدك اليمين اسمه zoho

بخصوص الحماية

حسب المنطقة اللى انت حطيتى الكود فيها

لو طبقتى المشروح فى الدرس يبقا المنطقة المحمية هى البوست بس , او بالظبط منطقة الـ div وما تحتويه

اما لو طبقتى الطريقة اللى فى التعليقات

< body ondragstart="return false" onselectstart="return false" >

يبقا البودى كله محمى بما فيه القطع والبوست وكله

وهكذا , حسب المنطقة المحمية

noralaaeon said...
This comment has been removed by a blog administrator.
aleslame said...

جزاك الله خيرا

بس ياريت الناس كلها تسرق من عندي :)

MaNoOoSh said...

انا طبقت الطريقة اللي فى التعليقات.. بس المدونة اتجهاهها اتغير وبقى عمود الموضوعات في الشمال والعمود اللي فيه الأدوات في اليمين.. اتمني حضرتك تقوللي على حل للموضوع دة لانه عامللي ازعاج جامد
رابط مدونتي اهو
http://ma7no2a.blogspot.com

Wael said...

Manoooshe
**********

يعنى انا راضى ذمتك , كاتبالى الرابط واصلا مدونتك متاحة للقراء فقط !!

على العموم
قدامك حل من اتنين , يا اما ترجعى كل حاجه زى ماكانت وتحذفى الكود

يا اما تقراى الدرس ده , الجزء الخاص بالتعريفات المتغيرة Variable definitions

بداية لابد منها الجزء 2

اعتقد ان المشكلة فى جزء التعريفات ده , مش قادر اتاكد لانى مش قادر اشوف المدونة

MaNoOoSh said...

انا قفلت المدونة لان جالى امتئاب من شكلها
عااااااااااااااا
بس فتحتها تاني وهشوف الرابط اللى حضرتك حطيته

الف شكر على ردك السريع

MaNoOoSh said...

الحمد لله صلحتها اخيرا
هى فعلا كانت عايزة يتعملها تعريب بس

بجد بجد اشكرك على اهتمامك لحسن دة انا كان هيجيلي اكتئاب

Wael said...

Manooosh

الله ينور :)

ياريت كل الناس زيك

ঔღঔ نـــوارة ঔღঔ said...

مشكوووورة يالغلاا

عالكود والشرح

ربي يعطيكي الف عافيي

دمتي بود

كيكى عوووووو said...

انا تسرق منى 7 بوستات!!!
وحاولت اعمل الطريقة دى معرفتش بدوس مش بيظهرلى اكود اصلااا
ممممممممم هو انا فاشلة فى الموضوع دة اصلا بس معلش اعمل فصول تقوية للمبتدئين فى فن كواليس المدونات

Wael said...

نوارة
*****

ربنا يعطيكى انتى الف عافيه وبالذات عنيكى , لانى ولد مش بنت

_________________

كيكى عوووو
***********

عشان تفهمى الطريقة كويس اقرأى الموضوع كيف تكتب باحتراف ده مبدئيا

على اى حال فيه طرق اسهل واشمل فى التعليقات اقرأيها

مش عندى تفاصيل اكتر من المشروح , لو واقفة قصادك خطوة معينة قوليهالى بالتحديد

noralaaeon said...
This comment has been removed by a blog administrator.
ivorytower said...

السلام عليكم ورحمة الله وبركاته
أعاني من سرقة نصوص مدوّنتي فكيف أتغلب على ذلك ، وقد جربت الكود الذي وضعته في مدونتك ولم ينتج عنه شيء او لم أعرف أن أوظفه بالطريقة الصحيحة ... أتمنى أن تساعدني أخي في الله .. مع التقدير

Wael said...

ivorytower
*********

وعليكم السلام ورحمة الله وبركاته

اولا اتمنى انك تقراى الدرس اولا وتحاولى تطبيقيه
ثانيا فيه طرق بديلة فى التعليقات

ثالثا اشرحيلى ايه الخطوة اللى مش مفهومة بالضبط عشان اقد اشرحها

moody said...

برافو برافو برافو هو ده الحل الممتاز مدونتى الخاصة
moodyerosia.blogspot.com
ياما إتسرق منها درر

مجرد حلم صغنتوت said...

واضح ان الناس كلها بتكتشف انها اتسرقت متأخر :|

انا عايزة امنع النسخ كله
مش عارفة احط القطعة دي فين !!!

< body ondragstart="return false" onselectstart="return false" >

مع العلم اني ركزت في دروس ال html
بس برده مش عارفة احطه ازاي

katie said...

مش فاهم قصدك ايه انا عملت select
وعادي عملت كوبي وبوست وطبعتها في صفحه ورد كمان بالصور بتاعتها انا مش فاهمه

queen omnia said...

شكرا جزيلا جربتها و بجد تحفة

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

اضف تعليقك هنا

اضغط على عنوان البوست لتظهر التعليقات