+ + + + +
Share/Save/Bookmark

2008-04-18

قوالب البلوجرز المعتمدة



كل القوالب دى مجرد تعديل على القوالب الاصلية الشهيرة للبلوجر
وطبعا المعروف ان كل قوالب البلوجر المعتمدة باطار واحد بس جانبى , والقوالب اللى هنا دى هى هى بس باطارين , هى دى الحكاية
طيب انهى الافضل ؟
ميزة القوالب ذات الاطار الواحد ان مساحتها بتفضل زى ما هيا عند تصغير النافذة , بعكس القوالب ذات الاطارين اللى بتنشأ مسطرة افقية فى المتصفح عند تصغير النافذه . على اى حال الذوق وكيفية الاستعمال هما اللى هايحددوا اختيارك .

ملحوظة : كل القوالب دى من النوع الحديث modern , يعنى معمولة بلغة xml , لو صادف ان مدونتك لسه " كلاسيك " فلازم تحولها الى " مودرن " اولا قبل تفعيل اى من تلك القوالب .

طريقة التشغيل مشروحة فى الموضوع ده
والخلاصة انك بعد ما تحفظ القالب عالهارد هاتروح تعمل edit للقالب القديم زى ماهو فى الصورة




وتختار browse وبعدين تختار القالب الجديد




و ف حالة لو كان القالب القديم فيه قطع انت اضفتها قبل كده , هاينبهك البلوجر ان القطع دى هاتتحذف لان القالب الجديد مش هايتعرف عليها , باستثناء البروفايل والارشيف اللى هايتعرف عليهم افتراضيا




والحل يا اما انك تسلم امرك لله وتعمل القطع دى من اول وجديد , يا اما تنسخ اكواد القطع دى من القالب القديم وتلصقهم فى القالب الجديد عشان يتعرف عليهم قبل الحفظ , والطريقة دى مشروحة فى الموضوع ده بتفاصيل اكتر للى عاوز يعرف .





الصق لوجو المدونة عندك

اشكال بديلة اخرى من هـنـا

12 اضف تعليق , التعليقات:

مهيج الجماهير said...

طبعاً يا باشا مدونتك مش محتاج أقول عليها رأئعة
و انا استفدت منها كتير قوى
بس كان عندى طلب صغير
انا معايا قالب
بس هو بسايد بار واحد على الشمال
كنت عاوز اعرف ازاى اضيفله سايد بار كمان على اليمين
من غير ما يأثر على مساحة المنطقة بتاعت كتابة البوست
و أدى الصور
دى صورة فيها اللى انا عاوزه بالظبط
مستنى ردك لو سمحت لأنى محتاج يكون عندى اتنين سايد بار و فى القالب ده بالذات علشان هو عزيز عليا شوية
شكراً

Wael said...

العفو يا باشا
حكاية العمود التانى دى طويلة جدا صعب عليا اشرحها دلوقتى
انمها هاقولك على العناصر الاساسية
اعرف الاكواد الخاصة بالعمود لاول
وعمل اكواد زيها بالظبط بس باسم تانى
يعنى لو العمود الاول sidebar
هاتخلى الاكواد الجديده sidebar2


الموضوع معقد شويه اكتر من كده
بس اقرا دروس " اساسيات لابد منها " كويس
واكيد هاتقدر تعملها بنفسك

steelbeauty said...

ميرسى ع القوالب بس لو ضفتها مش هضطر من تانى اعيد كتابة وتنسيق البلوج يعنى مش تمسح حاجة من الى فى الشريط الجانبى زى القوالب التانية اللى طبعا غير بلوجر

أبو شدن said...

السلام عليكم
اذكر موضوع قديم عن طريقة اخفاء شريط البلوقر لم اجده؟ هل تستطيع مساعدتي

sossi said...

السلام عليكم
انا اخترت القالب Denim وبعده ماركبته ظهرت به مشاكل مثل عدم اظهار صورة صورة الهيدر برغم انى وضعتها مرة من خلال التخطيط مع العنوان والوصف لمدونة ومرة من من جهة تحرير HTML background ولم تظهر برده

وبالنسبة لخصائص التخطيط من التعديل ع التعليقات ومايظهر ضمن الرسائل وما لايظهر .. فكل ما اعدل عليها لايظهر التعديل ويبقى الحال كما هو ؟

Wael said...

sossi
*******
وعليكم السلام ورحمة الله
حاولى تستعملى طريقة واحدة بس لاضافة صورة الهيدر , لو نفذتى طريقة ومنجحتش احذى اللى عملتيه وجربى التانية

بالنسبة لخصائص التخطيط , فانا مش فاهم السؤال بصراحة , لو قصدك التاريخ وعدد التعليقات والتصنيفات وخلافه ... جربى تغيرى المتصفح , استعملى الفايرفوكس

راكان عارف said...

ياااه.. مع الأسف الروابط متوقفة لأن الموضوع قديم.

أنا فقط أريد أول قالب إذا تفضلت أخي وائل

Take Care said...

القوالب مش راضيه تفتح معايا احصل عليها ازاى
اخترت قالبdemin
شكرا

Wael said...

راكان عر
**********
القالب اهو
من هنا

Take Care
***********
القالب اهو , و take care

من هنا

sossi said...

اولا شكرا لردك
لمزيد من التوضيح زور مدونتى steelbeauty.blogspot.com
هتلاقى عيوب كتيرة .. يعنى مش هتعرف تكتب تعليق

وكمان بالنسبة لصورة الهيدر برغم انى وضعها باكتر من طريقة الا انها لم تظهر بردة

وكل ما عمل تعديل مثلا: عملت تعديل من لوحة التحكم بازالة التسميات من اسفل المواضيع ولكن بردة شكل المدونةالخارجى كما هو

اتمنى تكون فهمتنى وميكنش فى ازعاج

Wael said...

sossi
********
انا زرت مدونتك وفعلا معرفتش اعلق
انتى عاملة التعليقات من اسفل البوست صح ؟
الافضل انك تغيريها للنظام القديم , من اعدادات المدونة / التعليقات
وشوفى هل النتيجة هاتنفع ولا لأ

بالنسبة للهيدر
الهيدر عندك اسمه header
هاتلاقى فى المدونة حاجة بالشكل ده
#header {
-x-system-font:none;
background-color:#FFFFFF;
color:#0066CC;
font-family:Times,serif;
font-size:174%;
font-size-adjust:none;
font-stretch:normal;
font-style:normal;
font-variant:normal;
font-weight:bold;
line-height:normal;
margin:0 2%;
padding:0;
position:relative;
}

ببساطة ضعى كود الخلفية بين القوسين مع الاكواد التانية فى سطر جديد بالشكل ده

#header {
-x-system-font:none;
background:url(IMAGE-URL-HERE) center top no-repeat;
background-color:#FFFFFF;
color:#0066CC;
font-family:Times,serif;
font-size:174%;
font-size-adjust:none;
font-stretch:normal;
font-style:normal;
font-variant:normal;
font-weight:bold;
line-height:normal;
margin:0 2%;
padding:0;
position:relative;
}
بدلى جملة IMAGE-URL-HERE بين القوسين برابط الصورة بعد رفعها على موقع رفع صور

بالنسبة للقالب بشكل عام لو عايزة ممكن تختارى قالب جاهز وتشغليه

sossi said...

شكرا جزيلا
جزاك الله كل خير على المساعدة
وفعلا الحمد لله انظبطت معاية ع الاقل افضل من قبل كده
بارك الله فيك

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

اضف تعليقك هنا

اضغط على عنوان البوست لتظهر التعليقات